“TVB绿叶”做茶记后栏洗碗储钱　半年后忽然富贵北上睇豪宅

“TVB绿叶”戴耀明曾拍过无数的经典电视剧，但幕前工作并不算稳定。年前更传出他为养家去做茶记侍应，落单、抹台，就连在后栏洗碗都要做埋。他接受《香港01》访问时，坦言：“唔系转咗行，因为同Billy哥讲开做演员都唔系好稳阵，近排又得闲未剧开，咁佢就话不如你去实习吓（餐饮业）啦！如果冇嘢捞就开间餐厅，就学习冲咖啡同埋奶茶。”

他曾经在访问中提过，自己已有几个月没有工作，而且家有一老，母亲已80多岁，所以才去做茶记侍应补补家计。报道一出引来不少回响，工作明显多了，收入也较以前稳定。近日他在社交媒体拍片，于内地睇豪宅。他在片中更惊叹说：“用3万就买到楼？”

不过，其实这些睇豪宅片段都只是他受邀请北上在大湾区拍睇楼片的楼盘广告工作。他接受《香港01》访问时说：“就因为系洗碗𠮶单新闻，而喺内地有大大小小嘅工作揾我。佢哋话，小明哥你喺香港都几出名，咁喺大湾区帮我哋Sell吓楼盘都好贴切呀，𠮶种感觉。”

他又说：“同埋佢哋个方针，系想实而不华，有𠮶句讲𠮶句。我个人够平民化，实在啲，讲有啲咩好处，有啲咩唔好处。最主要，去内地买楼嘅朋友，都系因为个价钱平，佢哋觉得我个形象好贴地，好代表到香港普通市民，香港普罗大众嘅消费模式，所以就揾到我（上去睇豪宅）。”