邝文珣连生日派对都要自己搞埋　全因老公“好唔掂”

邝文珣上月50岁生日，因自己买蛋糕、买花而传婚姻再亮红灯，今日她（30/4）出席艺术展时解释这是场是美丽的误会。“花系因为靓所以买，佢其实搞咗个surprise party，但搞唔掂，所以最后同我讲，叫我搞埋个尾，但呢个生日系我最开心嘅生日。”邝文珣直指老公在制造惊喜方面十分唔掂，试过好几次泄密。问到最终可有收到生日礼物，邝文珣表示老公花心思已是最好的礼物，又指老公执到宝，因为自己十分易哄。

而对于踏入50岁，邝文珣表示向来不太在意岁数，今年生日开始细想如何好好运用时间，其中一件事是与老公到教会分享。“我同老公跨过咗啲好难行嘅路，好多人都面对婚姻或自身问题，我哋希望透过分享去帮其他人。又唔算顾问，因为我同我先生嘅性格好唔同，嚟紧你话有冇问题，我都未必答到你，但点去处理拗撬，已经同以前系唔同晒。”

提到今日的艺术展，邝文珣认为自己有艺术细胞，而近年亦不时会到好姊妹李亚男家中画画，又指对方家中如画廊，两位女儿亦甚有天份。“我好多时喺佢屋企画，画完我又唔会拎走，就keep喺佢屋企，所以真系画廊咁。”