李蕴十四岁湿身照成最强“疫苗”　应对负面新闻“都系碎料”

由导演火火、吴若希（Jinny ）及曾展望（GM）三位谷主主持，TVB Plus（82台）全新直播一小时节目《奇情谷》，昨晚（28日）主题“离婚后的二次人生”，请来现年33岁李蕴（Renee）。2022年她与金融才俊罗冠章结束7年婚姻，近日积极复出即担任《奇情谷》嘉宾，火火表示感谢说︰“多谢你复出嘅时候，第一炮就上《奇情谷》。好温柔提醒你，呢个系直播节目，小心啲呀。”

Renee提到当初出道，首个访问便是跟TVB完成，之后参与不少节目拍摄，所以回到录影厂特别有亲切感。节目开始火火即重提Renee十四岁时拍的湿身照，当时引来轩然大波且闹上法庭，她解释︰“𠮶时系当一个普通工作去做，应杂志要求影相。事件发生后，咁细个小朋友应该好惊，但当时系好懵懂，唔系好知惊，反而身边人好担心我情绪。而家睇返先觉咁大件事，之后好多新闻都变成系碎料。”Renee自言一直都很幸运，出道时获不少前辈提携，特别鸣谢尹光︰“好多谢佢畀咗好多机会，同我合唱咗一首歌，又带我去登台、做佢演唱会嘉宾。”

众所周知Renee圈中有两位老Best，分别是歌手G.E.M.及名媛何超莲，昨晚超莲phone-in节目力撑好友复出，她透过电话访问说︰“Renee系我圏中至好嘅真心闺密，人又靓又有义气，你做主播、出歌都继续支持你，其实呢啲说话平时都讲好多。”她接住补充说︰“有倾开career path点行，但系佢为咗小朋友，想陪住佢哋大，真系无乜自己嘅生活，而家出返嚟做嘢系100%支持。”她大爆Renne“缺点”就是怕麻烦人，她面对困难宁可独自承担，超莲抱怨说︰“好多时系件事过咗，佢只轻描淡写讲返出嚟，唔想将唔开心带畀朋友，我同邓小姐（G.E.M.）都好心痛佢。好似今趟叫我call-in，佢劲唔好意思，系咁话‘麻烦到你’其实有咩所谓呢？佢好多呢啲位……”Renee闻言后已哭成泪人 ，她哽咽说︰“大家背景已经唔一样，人哋嘅说话已经唔好听，但我哋友谊自己知就得。”肺腑之言在场人士无不动容。