七仙羽师傅卷入诈骗传闻　潘绍聪：唔好问我个头出晒汗

鬼王潘绍聪今晚（28/4）现身湾仔出席《第33届香港舞台剧颁奖典礼》。对于近日七仙羽师傅疑卷入诈骗案被捕，惹起网上关注。鬼王潘绍聪接受《香港01》访问时表示：“虽然都识咗佢好耐，但我好相信佢有智慧去解决呢啲问题，咁所以我暂时就唔好骚扰佢先，佢实处理到，佢实在太叻，同埋我唔阻佢住，始终我又唔系够认识成件事，所以唔敢胆去评论。”

被问到身边有否朋友揾过七师傅做法事？鬼王潘绍聪表示：“其实我系知道身边啲朋友有揾过佢，但我就冇详细咁去问佢哋几钱。唔好问啦，我而家个头出晒汗，好大压力呀。（呢个行业系咪成日都会面对呢啲问题？）都系嘅。我总之希望能够快啲解决。（佢啲收费系咪好贵同海鲜价？）嗱就咁讲啦，你相信佢，佢开个价你接受，一个愿打一个愿挨。其实我自己都认识好多师傅，变咗我喺自己嘅节目中我都好避忌，有啲人会叫我介绍啲师傅俾佢哋识，我表明我系绝对唔会，避免不必要嘅麻烦。”