王菲曾收过问价讯息　对方开到呢个价钱同佢食一餐饭：呢个好惊

艺人王菲日前（25日）出席TVB剧集《夺命提示》结局晚宴，她接受《香港01》访问时表示剧中她虽然饰演ASIB的警员要穿制服，但有一幕是可以让她打扮得很漂亮而其他演员都觉得她很亮眼：“平时因为我哋日日对住啲同事都系著制服，𠮶日我突然间换咗条好sexy嘅红色裙，整咗个大波浪头，跟住个同事即系另外一个演员就话，哗！原来阿菲你平时系咁嘅样㗎！”

王菲更指今次是她第一次饰演女警，所以她觉得是成就解锁：“因为我哋拍摄嘅过程其实系好轻松，同埋我哋个team人嘅关系系好close，所以我哋好多场口都系嘻嘻哈哈嘅。”剧中饰演女警的她，当然也有份开真枪，她表示是第一次：“全部都系我第一次经历嘅，我哋有几场系full gear上阵，揹晒啲真枪啊避弹衣啊𠮶啲。”瘦小的她要背起那么重的配件来拍摄，她不禁要表示“好攰”但就很享受：“即系我系觉得呢套系我拍过最辛苦嘅一场戏咁，但系我觉得系好满足，因为出嚟个成品系好靓啰。”

王菲亦被问到最近有很多女艺人都有收过“问价”的讯息，她有否同样收过，她即表示：“我曾经有收过呢啲message嘅！𠮶阵时系我好奇怪有个人系突然间whatsapp我，跟住佢就问我食饭几多钱？跟住我就话其实你系边个？跟住佢冇答我呢个问题！跟住佢就继续问，佢就不断喺度加价，跟住我就话其实你系边个？你点解会有我电话？”虽然王菲有不停问这个人到底是谁，但王菲就没有理会他，见他不打算回应是谁，就马上封锁了这个人。

王菲亦很好的回应他：“我就话我从来唔做呢啲嘢嘅！”之后就把他封锁了，她指自己只收过一次这样的讯息，而且是刚刚入行的那段时间。她被问到当时对方加到什么价格时，她依稀记得是六位数字：“我唔记得二三十万𠮶啲friend啦，一次啫系喇，之后就冇再收过啦。”而王菲亦曾于社交平台收过这样的讯息，但惊吓程度就不及入行初期时收到的那个严重：“冇呢个咁惊，因为呢个系真系攞我电话number！”反而IG的讯息她都可以装作看不到，而电话讯息这一次就是最恐怖：“我觉得你唔好太多不断回应𠮶啲人，即系如果你越回应，佢就觉得好似有啲机会，即系会不断骚扰你，我觉得唔理就系最好啰！”