郭柏妍有被问价讯息当睇唔到　收负评唔会避：我见到仲望多几十眼

艺人刘颖旋及郭柏妍日前（25日）出席TVB剧集《夺命提示》结局晚宴，二人接受《香港01》访问时表示剧集完结感到不舍，刘颖旋指：“我成日都话好快就好似完咗一节咁样，即系一集里面有几节，跟住我话：咦！点解咁快就去个广告，即系好似一路睇都唔想佢停咁样！”

刘颖旋及郭柏妍被问到于剧中穿得那么性感，会否有不少网民私信她们时，她们表示反而有不少网民把“Double C”的造型截图逐一跟二人分享。郭柏妍就见到大家的认真：“原来大家系好认真咁样去睇我哋嘅剧情，同埋我觉得对于真系可能演员嚟讲系几好嘅，因为未必真系咁有一个剧容许你咁多个造型，监制造型师又愿意花时间去做呢样嘢，咁我自己觉得系好开心同埋好感恩嘅。”

至于有否收过讯息“被问价”时，刘颖旋表示没收过这些讯息：“呢个我真系冇收过㖞。”而郭柏妍亦有同感：“真系冇乜呢一类型嘅message，反而系啲好鼓励性嘅message，或者好欣赏我哋嘅真系好专业啊，真系试唔同嘅造型啊，愿意花呢个时间同埋心机去做好𠮶样嘢，反而系好多呢啲嘅评价。”她指在《夺命提示》中有很大的突破，因为她很少去做一些抚媚的表情，所以她觉得自己有新尝试，打破一直以来的“乖乖女”形象：“因为我之前好担心，觉得死啦！大家会唔会觉得我差咗啊坏咗啊。”但原来观众都能接受她这一面。

被问到除了现在，之前会否也曾收过“问价”的讯息时，郭柏妍就指在庞大的讯息量中，的确会一至两个这样的讯息，但她表示知道自己想做的是什么：“因为我知道自己好清楚自己想做啲咩，同埋要做啲咩，咁所以我收到嘅时候都会好快忽略过呢一样嘢。”郭柏妍会选择不理会这些讯息，但就对另一些讯息就不会忽视！原来是她收到负评，就一定不会选择看不到：“我见到仲望多几十眼咁样！仲研究紧佢讲紧嘅嘢！（反而有啲负评你又会睇得多？）我会㗎而家，因为如果我见到啲负评嘅话我都会回复，其实之前我都有回复过嘅，我觉得系好难得，因为佢愿意花时间去做呢一样嘢，咁所以我觉得我会好认真去回复佢。”