骆振伟宣布与丹麦太太离婚　结束5年婚姻：以后用屋企人身份相处

现年40岁的骆振伟（Thor）在2019年与丹麦籍飞机师女友Katrine结婚，婚后不时在社交平台放闪，但自去年农历新年后，他们未有再分享二人合照。今日（26日）骆振伟与Katrine在IG共同宣布离婚，更一起拍片分享心情及分开的原因，并表示虽然关系改变，但将会继续以家人的身份互相支持。

两人坦言这段跨国婚姻面对文化差异的考验，骆振伟表示︰“我哋两个从来都唔系普通情侣，佢嚟自丹麦，我嚟自香港，两个嚟自完全不同背景嘅人，当然我哋都有好多不同嘅地方，当住埋一齐嘅时候……”Katrine续说︰“都有好多少少唔同，好难讲系咩，系好多好多小小问题。”二人举例指在生活习惯、旅行偏好等方面都存在分歧︰“要当中揾一个大嘅原因，我哋都讲唔出嚟。当我哋决定分开住，感觉到关系的确比以前舒服同埋轻松。”

骆振伟称双方都尝试过不同方法，但发觉分开住之后感觉比较舒服，所以决定转换身份，以屋企人方式去相处，有时间亦会跟家人食饭，Katrine跟家人视像通话时，他亦会加入︰“呢段时间我哋讲得最多嘅就系‘We are so proud of each other’。”而他们以拍片的方式去交代，是希望让人感觉正面：“当两个人唔可以再喺同一个地方相处，咁咪move on with love。”他们直言作出分开的决定并不容易，他们亦不会因为分开而删除过往的合照，认为互相尊重是很重要的，并希望大家可以祝福他们。

全文如下：

今天我同Katrine 有个不太开心的消息要告诉大家。我哋决定咗会分开了，以后就用屋企人的身份去相处🥹

Don’t worry ，we move on with a lot of love。而依一段时间，我哋都经常同对方讲，“We are so proud of ourself!”。我谂用英文讲会容易啲，“We’ll always have each other’s back ”❤️

我地两个从来都不算是普通的情侣，她来自丹麦，我就陀地嘅，两个嚟自完全不同背景嘅人，当然我哋都有好多不同嘅地方。

而我哋同其他情侣一样，当住埋一齐嘅时候，都会有好多挣扎，例如喺生活上嘅习惯，大家对旅行嘅要求好多唔同嘅，要当中揾一个大嘅原因，我哋都讲唔出黎。当我哋决左分开住，感觉到关系的确比以前舒服同埋轻松。

But the most important thing is,

We will still be family , we will still see each other’s family together too.

我哋拍呢条片其中一个原因，都系希望系一个唔开心嘅结果里面都有一丁点嘅Positivity。分开当然系唔容易，but we can always move on with love 🫂❤️

We both have no regrets for all the 10 years we spent together 。就算之后大家喺条街度见到我哋一齐食晏食晚饭，放心，都系正常不过嘅事。

希望大家都会为我哋两个送上祝福❤️🫰🏻🙏🏻

Thanks for all the Love

Thanks for all the Blessing 🫂

Katrine & Thor

25.04.2025