75岁甘草男星公开征婚剖白多年单身原因　嘲李龙基忘年恋其实羡慕

现年75岁的殿堂级填词人黎彼得自从离巢TVB后，就在YouTube主持节目《玖噏秘笈》，不时大爆娱圈秘闻。黎彼得今年2月时因流感入ICU深切治疗部，再次经历过生死，更要插尿喉，因为贫血而输了两包血，黎彼得表示今次住院经历一世难忘，幸好他经过治疗后已无大碍可以出院。

黎彼得在最新一集《玖噏秘笈》大谈自己的私事，他更公开征婚。黎彼得曾嘲李龙基与未婚妻Chris王青霞的忘年恋，但他日前在节目中便向李龙基道歉，说道：“同基哥讲句唔好意思，对唔住。”黎彼得表示：“我同情佢多过指责佢，我本身同佢好多共通点，我哋都70几岁，无理由佢有件嘢执尾会，我又冇㗎嘛，自然会眼红啦……变咗咪五十步笑百步啰！”

黎彼得在节目中坦言想学李龙基找个伴侣，他表示自己离婚后孤枕独眠至今已逾40年，又剖白之前一直不想找伴侣的原因。黎彼得直言：“怕咗唔敢再揾，原因就系唔想负咗人，自己又冇七层楼……唔好讲阿基哥喇……总之照下块镜，凭咩再去揾另一半，因为而家嘅女人都系好需要男人支持，咁我当然想揾个有钱女人，但有钱女人点会钟意你老人家，个样又唔好，讲嘢又衰，好多时自己自量，要忏悔。”

黎彼得指自己因月前大病一场而产生找个伴的念头，他说：“点解我冇人嚟呢？系……间中有个老友，但𠮶啲系老友，唔系爱人。我点解一个天煞孤星都冇亲戚朋友？朋友得一件半件啰，已经好好，但我觉得人哋嚟探病，我又孤苦伶仃……触景伤情，令自己觉得……唉……都唔好继续孤独啦，不如立下心志，而且70几，我见基哥都可以执番件，我都有机会嘅，要求低啲都得挂？”黎彼得续说：“希望有个红颜知己、灵魂伴侣都好，性生活已经……Sorry喇，唔关我事喇，而家希望有个灵魂伴侣，对我呢啲孤独老人能够红袖添香，就算有咩头晕身㷫，有人照顾吓、煲啖汤你饮，冇得顶啦！如果两脚一伸，唔紧要，搞身后事啰。”