艾威落力揾钱为妻医病直播企足9个钟　苑琼丹：佢搏老命！

早前艺人艾威签约内地直播平台，更预支50万酬劳，为太太筹集医药费。日前艾威进行“处子直播”，好友苑琼丹、林敬刚、李焯宁亦现身撑老友，认真有情有义！

艾威获得不错成绩，超过100万营业额，预计他能赚取六位数酬金：“都习惯嘅，多谢大家嘅支持啦！呢个系新嘅尝试，希望观众听得明我地啲‘港普’，经过今次多咗信心，下次会做得更好！”

艾威镜头前后表现自若，但苑仔就透露好友原来“死撑”：“其实威嫂呢日要做小手术，彩排时见作不停同医生、家人讲电话，不时忧心忡忡，但埋位就好敬业，佢为咗效果好企足九小时，为咗太太佢真系‘搏老命’！”苑仔亦大赞好友直播够气氛，众人直播到凌晨后，安排专车艾威返港，以便翌日照顾太太。