Gin Lee李幸倪任《造星VI》导师　姜涛被电影人负评佢咁睇

李幸倪（Gin Lee）今日（24/04）出席山顶凌霄阁《细看香港》微型艺术展览。她接受《香港01》访问时大赞展出的模型有趣且具有香港代表性，对于展出的《启德主场馆》模型，她直言十分震撼，笑言：“你知谢霆锋嘅演唱会飞好难买，真系入唔到场都唔紧要，我哋有呢个模型都可以睇吓，呢个都非常值得睇。”更表示期望能在该场馆开个人演唱会。另外，对于早前姜涛被王晶负评一事，她就有以下睇法。

最近Gin Lee成为了ViuTV真人骚《全民造星VI》导师之一，坦言“花多眼乱”，参赛者更年轻之外亦各有特色。“今年降到16岁，都有啲学生，小鲜肉参加，有啲有歌艺，外型又有，当然都有啲趣致，娱乐性强有特色嘅，我觉得会几好睇。”她坦言，自己偏好有才华的参赛者，“有才还有外型就当然最正啦，都有几个。希望到时我抢到！”

作为《造星IV》导师，对于早前姜涛被电影人负评一事，Gin Lee就表示：“我都成日提自己，做歌手或者公众人物，心理质素同埋对答都好紧要，我都一路学习紧。唔容易㗎，尤其系我作为歌手，对答仲惊过唱歌。唱歌冇问题，开骚冇问题，但系一讲嘢就好惊讲错嘢。呢个都系我要不停学习嘅嘢。”

Gin Lee做过《声梦传奇》导师，“教”出了炎明熹，她分享道，虽然两个节目性质不同，但她仍然在全心全意做好自已的职责，“分享我嘅经历，我嘅唱歌技巧或者表演者嘅心理质素等等，都系一样咁认真，因为做导师系好大责任，我面对嘅都系好有梦想嘅年青人，一定要尽我所能帮佢哋。”