张敬轩想扮公主结果变蔡琴　仍不舍方大同离世靠行山舒发情绪

张敬轩早前分饰“雪姑轩”和“黑魔轩”拍片，但出来效果不似预期。“我同自己嘅团队喺Office搭咗个绿幕喺度拍，我有少少失望，我谂住扮白雪公主，我谂住我自己化完妆一定会好靓，点知我化完之后觉得好似蔡琴，但系都几好玩。”张敬轩表示早前放假大部分时间处理后援会问题，他表示因客服只有一位同事，目前在招聘更多人。“我唔想请歌迷做嘢，最近有啲活动想揾歌迷做义工，因为歌迷会知道歌迷想要咩，但系澳门𠮶次试过，有歌迷帮手，其他fans都唔开心，咁所以都请外人，但因为佢对我无感觉，招呼可能会差啲。”

提到薛凯琪因方大同离世，而导致情绪出现问题，张敬轩表示：“冇特别慰问，其实我最近喺呢四至五个月都处理紧方大同、同埋我哋公司好重要嘅前辈离世嘅事，因为生活当中大家太多交集，太多对方嘅影子活喺生活里面，又或者有好多回忆突然跳出来，最好嘅方法系畀大家空间各自去独处，喺呢段时间有阵时夜晚发梦见到佢，第二朝会去城门水塘行山，城门水塘系我嘅热门地点，我见到啲马骝就好开心。”张敬轩又指远离社交平台亦有很好的帮助。

Jeremy李骏杰新歌涉抄袭，张敬轩指MIRROR本身有热度，所以会引更多人关注，但他相信对方能处理压力。“我哋做音乐嘅人要多加小心，有人话我只《青春告别式》好似洪嘉豪嘅《逆时车站》，但《逆时车站》系出得早过《青春告别式》，我觉得旋律好顺就会咁样写，所以会多加注意。”