Jeremy 首度回应抄袭风波　认有唔开心：我愿意去承担呢个责任

MIRROR成员姜涛、卢瀚霆(Anson Lo)、吕爵安(Edan)和李骏杰(Jeremy)今日出席小组团综《吕涛米Lo Seoul》记者会，四子在台上分享拍摄团综的趣事，又化身烧肉、年糕、泡菜和牛骨大玩游戏，又即席向现场fans派福利。

Jeremy于活动首度开腔回应“抄袭风波”，谈到昨晚推出全新的INTENSE VERSION，他表示是经理人团队、音乐团队包括监制王双骏和编曲人的共同决定，“因为我都好想坦然咁面对自己音乐、自己的舞台，想做一个更好的表演，因为唔想以后喺舞台表演呢只歌会有啲迟疑，唔想呢件事发生，想每次表演都做到100%比大家，我宁愿出新version，让大家feel到呢首歌嘅力量。”他表示事件发生之后，立即跟音乐团队讨论，如何令整件事更好。强调自己没有抄袭的意图，“我希望今次作品令大家睇到更成熟、更好嘅Jeremy系点，今次系一个好好嘅经历，可以学更多嘢，令自己之后作曲、做音乐都有更好作品俾大家睇到。”

Jeremy 自认是一个K-POP迷，所以有听过《Red Lights》，他说︰“我有听过唔代表要抄佢，作为一艺人抄袭系好大件事，自己系唔允许发生呢件事。今次推出新版本，系话俾大家知我嘅决心系咩嘢，我想做好自己音乐，想呈现好面貌俾大家睇到。呢件事令大家有好多唔同争拗，希望随住呢个新版本可以减退，大家可以著重我嘅作品，欣赏我系一个点样嘅艺人，我一直都想做一个Jeremy式嘅音乐或者路，我会继续加油。”

问到当初听到《Tie Me Now》时，会否有似曾相识感觉，他就：“因为有好多唔同种类嘅歌都有特定元素系入面，可能又听咗好多唔同嘅歌，自己听完之后未有意识相似，个脑又有好多唔同谂法，所以冇咁快觉得首歌似边首歌。我每次写完歌都有问身边朋友有冇听过，自己尽能力做到最好。”

对于MV是否需要重新拍摄，Jeremy 明白fans好著紧，希望可以尽快公布消息，感谢fans的支持︰“我要好多谢每一个fans咁支持我、咁爱护我，为我讲咁多说话，辛苦晒大家。”他称自己并非第一次写歌，但因欠缺自信，所以多数与其他人一齐创作，今次就是自己作曲，知道有很多不足，希望透过不同经验，日后推出更成熟的作品。

对于有粉丝认为是监制与编曲的责任，Jeremy 表示自己有份作曲、有份唱，所以说谁的责任更大。“大家都经历呢件事，就算有责任我都有呢个责任，我愿意去承担呢个责任，而我哋呢个团队系想做好音乐。”他坦言今次事件令自己发现要听更多歌曲，但不会影响新碟的创作。