Edan唔想林明祯因自己受委屈　姜涛为“好眼瞓”道歉以后讲好精神

吕爵安（Edan）日前直播时，与“爵屎”讲经，其间提到绯闻女友林明祯系好女仔，又提对方对自己十分重要，Edan今日出席小组团综《吕涛米Lo Seoul》时，被问到开直播时有否知会公司，他说因为太耐没有直播，而这是他与爵屎沟通的模式之一。“我想做返自己、想揾返以前轻松嘅Edan、想揾返𠮶个咩都唔惊、乱讲嘢、做自己认为啱嘅嘢嘅Edan，所以系时候踏出呢步。”Edan又感谢“爵屎”对自己不离不弃。

直播中，Edan提到“意识到会失去啲嘢”，问到是否指因绯闻而曾失job，他解释：“系惊，你问有无失去啲嘢，点都会有。我日日都失去啲嘢，头发、骨胶原，我觉得唔需要咁理会外界。”而对于不时收到攻击性私讯，Edan表示无数次想回复。“会提到明祯系因为自从公开过追佢，一直都好多声音、好多恶意，我系被呢啲声音导致好迷失，佢一个女仔要承受呢啲嘢我都觉得好唔易，某程度上系因为我令佢咁，所以我都觉得好唔好意思，一直都谂有咩可以保护佢。但以往我惊，但有时我避而不谈又引起他人误会，既然讲又会写，唔讲又写，不如勇敢啲表达，尽我能力保护佢，想话畀大家知佢系好女仔、佢对我真系好紧要，喺我唔开心呢段时间佢帮我好多。”

问到林明祯可曾向他表示委屈，Edan说自己收那么多恶意私讯，对方亦一定收到不少，Edan表示不奢望直播后会改变什么，但能表达自己想法是最重要。直播中Edan又提到会找Anson Lo倾心事，Anson Lo指自己是树窿，但自己偏向听多过讲，他亦有分享grounding 后心情有变轻松，有邀对方。“我有叫佢一齐跑步，但暂时未成功，成功再同大家讲。”

姜涛日前在主题公园出席活动时，被影到工作人员讲解时，他在旁表示“好想瞓觉”，随即遭网民指不尊重，他今日亦就事件解释：“因为当时讲紧熊猫好钟意瞓觉，我哋睇紧时佢都瞓紧，见到佢瞓我都几想瞓，我以后唔讲啦，对唔住，所以今日都无打喊露。以后讲相反，精神，我而家好精神。”另外，对于被熊猫家族fans指当日抢走焦点，姜涛表示：“呢个都有得讲？对唔住啰，我都唔会抢到镜，𠮶日见到啲人入去净系影熊猫。”