方媛米兰被抢劫包包 郭富城：唔系佢嘅错，助手摆低咗

郭富城(城城）今日（22/4）现身湾仔出席著名品牌活动。提到爱妻方媛早前在意大利米兰机场被抢劫，包包财物尽失。城城就事件接受《香港01》访问时表示：“事件发生嘅时候，当时太太佢好冷静，同埋我好多谢大家对佢嘅关怀同关心。亦好多谢中国领事帮我太太搞返入境嘅身份，因为你冇咗个身份系返唔到香港，事件亦都解决咗。”

城城续说：“其实唔剩系意大利，无论喺边度都应该要好好保管好身边嘅财物。亦都唔系佢嘅错，而系佢助手摆低咗，咁所以都好难去怪嘅，只能够讲唔好彩。（最终系揾唔返？）哈哈，你有冇机会帮我揾返？（事件发生咗之后，太太即刻打俾你？）我系紧张过佢，我问有咩嘢可以帮手，仲有问佢个人有冇事，问到最后原来个袋被人偷咗。仲要系好短时间就被偷走咗，所以大家出埠嘅时候，要揽实嘅包包。（会唔会请保镖陪住太太出埠？）我咪就系佢保镖啰。（你冇陪佢㖞！）哈哈，我有时间咪做佢保镖啰。（有冇买返个新包包俾太太？）我买咗两个，氹返佢开心。”