朱敏瀚搞美国签证疑跟陈晓华秘婚　5字回应网民送祝福

朱敏瀚（朱仔）今日（21/4）现身将军澳电视城出席无线新剧《虚拟情人》宣传造势活动。讲到现今科技AI，朱仔接受《香港01》访问时表示：“我而家无论遇到有咩难题，我都会揾AI帮我解答难题，以前我系会上网查，但而家就唔使。就好似之前早两个星期前，我要申请美国签证，我就问AI可唔可以帮我模拟一下面试时嘅情况，AI完全系可以同我互动，犀利到而家仲可以用中文沟通。”

被问到申请美国签证是否准确和陈晓华到当地秘婚？朱仔腼腆说：“其实我系同机管局佢哋去做啲嘢，因为拍咗飞机师𠮶套剧。（有冇谂过到外地注册结婚？）其实我就冇呢一个谂法，因为平时嘅工作都会搞一大堆嘅嘢，变咗到我结婚嘅时候，我就未必搞一个好大嘅婚礼，都想留返俾自己。”

对于近日有传与陈晓华展开同居生活，朱仔表示：“其实𠮶个唔系我住嘅地方嚟，而本身我系同妈妈一齐住。（有指2万蚊租金你俾？）唔会啦，我都希望我有能力有钱租俾啲同事住。（新闻出咗会唔会为双方造成压力？）都唔会，因为都唔系第一次讲，同埋都冇乜点影响到我嘅生活。”