Edan吕爵安深夜直播坦承“呢半年几唔开心” 再次确认林明祯地位

Edan（吕爵安）过往喜欢以直播方式与“爵屎”讲经，昨晚（20）日，完成《胶战RUN FOR YOUR LIVE》返到屋企，边食宵夜边直播，与爵屎来一场Emo分享环节，历时差不多个半小时。

Edan表示过去半年经历了很多事情，又提半年前发生事情时，很想透过直播与大家沟通，因为直播向来是与爵屎沟通的模式，自己亦喜欢这种独有的连系，虽然Edan未有指明半年前是什么事情，但应该是去年11月被影到与林明祯台湾行夜市一事。

Edan表示最后因身边的人劝告而未有直播。“讲到尾都系惊，惊会失去 。因为𠮶一次意识到我会失去啲嘢、影响啲嘢。”之后他续说：“呢半年都几封闭自己，好绑手绑脚、好多人指指点点，一直好多内心斗争，唔知点好。”而当他早前重温第一次solo演唱会，看到自己曾在台上讲“ED 偶像”，有感自己当时初生之犊不畏虎，但后来才发现自己太天真、想法太简单。“原来我口口声声话唔惊，原来我都系会惊，唔够坚定，未知自己想要咩、成为咩人。”Edan坦言过去半年过得并不开心，一直以为自己很理性，但原来也会emo。

Edan强调这次直播是为爵屎而开，因为爵屎是他重视与珍惜的人，以后只要互相关心对方，无需太理会别人。“对你哋、对一直发生咁多年仲喺度嘅你哋，可以打返开我个心，勇敢啲踏出呢步，想直接同你哋分享我经历嘅事情，做返我想做嘅Artist。”Edan表示如今工作能支持自己的生活，拥有拥有梦寐以求的东西，但却越来越迷惘，亦没有特别感到开心，这或许是入行7年不自觉累积下来的压力。

关于绯闻部分，Edan亦在直播中向爵屎直白地说：“e 、佢系我身边我重要嘅人我性格唔希望见到呢啲，同埋我觉得同你哋讲咗，同你哋无呢个误会，以后出面点讲，我都唔需要再讲咩我净系care我想care嘅人。”Edan解释收到不是DM用十分难听的字眼骂林明祯，又曾见到有网友说新歌是为林明祯而写，但新歌歌词实际上是由Wyman（黄伟文）负责 。

而对于早前被指一提女友即不悦兼指传她黑心，Edan亦有解释：“我系公众人物我理解，要有啲嘢畀人讲下，你问我会尽量配合，但如果系一啲网民讲嘅嘢，你写然后标题，你又要我去回应，但真系唔系𠮶回事，我都唔知点去处理。我都发觉其实无办法，我唔想再被呢啲嘢影响。同埋最奇怪、棘𠮶个位系平时采访大家都关系好、会讲笑、影相签名，但返到去点解新闻会咁写？我明白系好juicy , 好多人想问、想讲，但我一直觉得感情唔需要讲咩，我都28岁人，钟意人有咩问题？就算我妈妈问我，以前中学问我有无钟意啲咩女仔，我都唔会讲。”