专访2丨陶大宇一原因拒回TVB拍剧 被嘲笑五音不全：我觉得自己冇
很多艺人对TVB“又爱又恨”，靠TVB之名得到极大的知名度，但薪酬偏低亦是事实。陶大宇在未拍《刑事侦缉档案》系列之前，每年加薪只有几百元，近十年薪酬仍维持在四位数。之后陶大宇靠“师奶杀手”人气往外闯，签约王晶旗下，接演亚视剧集《纵横四海》、《影城大亨》等，在收视方面更一度打败TVB多部剧集。
成为收视福将，TVB自然向陶大宇招手回巢签约两年，但却因未能在合约期内完成三部剧集，双方意见分歧令关系变僵。“𠮶阵时我都任性，唔知系咪拗气咁大反应，但谂返转头有啱有唔啱，我觉得真系唔得吖嘛，如果反口嘅话，我做乜要签合约？”结果大宇获得TVB赔偿，而2010年《掌上明珠》便成为他在TVB最后的作品。
拒绝再返TVB娘家拍剧
北漂十多年，陶大宇早已习惯自由自主的工作模式。他直认在TVB过了一段漫长的“冷藏期”，但之后亦获邀回巢拍剧，除了监制，高层曾励珍亦有亲自出面，但却未能打动他。究其原因，大宇沉思一会表示说出来“好蠢”，他认真回答：“我想讲其实系.......我觉得呢个地方已经唔适合我嘞......因为太了解呢间电视台，佢唔会特别去照顾我哋呢个年纪，我哋呢一类嘅人，佢会俾啲后生机会，我觉得系应该嘅，你俾我做乜啫，我哋呢啲而家个责任系去传承俾后生，唔系抢佢哋嘅位置，基于呢个理由，咁我觉得呢个地方更加唔适合我。”
传做生意惨蚀离场
有传闻指陶大宇、欧阳震华与友人夹钱做饮食生意惨蚀，大宇亦作出澄清，“坦白讲，其实所谓嘅生意我哋系一啲蚀都冇，只系同大老板玩得埋，对方就预一啲股份俾我哋，叫做有明星效应。但做一段时间，对方重组公司，我哋冇乜做过嘢又分钱，觉得唔好意思，所以要求不如俾我哋走。”大宇赞拍档数目好清楚，还支付尾数，笑言：“啲人话艺人做生意唔得，艺人做生意真系唔得，但呢单嘢真系唔关我事，哈哈。”
难忘过关北上辛苦到喊
陶大宇在内地登台翻唱刘德华《倒转地球》爆红，魔音唱腔加配水拨手已成为经典，他觉得要感恩两件事，一是疫情，二是自己。疫情期间大家都留守家中，抖音等社交媒体成为内地10几亿人最大娱乐，然而大宇的商演表演却被恶搞成2.0，他激动澄清：“哗，搏炒咩？大家试幻想一下，如果我真系唱到佢哋所讲人歌分离、五音不全，咁当然冇啦，我觉得我自己。咁样去做一个人哋请我嘅工作唔得㗎嘛，唔得㗎，只系抖音将一啲有趣嘅新闻滚下滚下，令我爆红咗，谂返转头系咪应该要多谢疫情？！”
有天时，亦要有人和，他形容一开始是被“嘲笑”，但却从未介怀，所以个人心理质素一定要够好。不过，回想疫情期间因为没有工作，无奈要返内地等机会，过关北上被安排入住似足周星驰《国产凌凌漆》的丽晶大宾馆，被隔离21日，哭著问自己：“点解我会搞成咁样嘅？我嚟拍戏咋，我系明星嚟㗎嘛，点解搞成咁....”。
想听陶大宇亲谈这些故事？就要今晚18:30上《香港01》YouTube睇足本访问！
场地提供：Harlan’s (The ONE)