Ivy So因负评自卑怕露齿笑　唱功挨轰陷低潮：好多晚喊到抖唔到气

COLLAR成员苏雅琳（Ivy So）及云浩影（Cloud），都是新一代女神级歌手，近日二人现身YouTube频道小薯茄的节目《蕃茄薯仔TALK》，分享私下麻甩一面，而讲到如何面对负评时，Ivy So忆起低潮更不禁讲到喊。

节目上二人接受主持程人富、阿J访问，两子说要拆穿女神真面目，Cloud私下不会执拾碗碟、爱囤积胶袋，又钟意用脚板捽嘢；而Ivy家中的污糟衫则叠得很高，更公开自己的特殊技能“闻屁辨食”，她说：“有一日我放屁，都好似有啲臭，嗯？我寻日食咗咩呢？我寻日食咗番薯或者大豆、豆浆，咁我就会避开𠮶啲嘢少啲食。”Cloud惊讶地回应：“点会为咗放个屁唔臭而唔食一啲嘢呀！”但她愈讲愈起劲，指冲凉时放的“水屁”最臭，而Ivy则笑说与COLLAR排舞时，成员想放屁就会举手说：“我要放屁喇”，之后出排舞室外放，免得“臭亲”队友。

讲到入行后的转变，Ivy认为自己好像没有真正的放假时间：“譬如呢个礼拜做嘢好full schedule，做完，下个礼拜放五日假，但系再下个礼拜要做嘢㖞，咁我见到咁嘅schedule，呢个礼拜其实都唔可以放肆，每日都要安排一个运动比自己，所以变咗放假都要超级自律。”她与Cloud都不是喜欢运动的人，然而做运动也变成了工作一部份，尤其Ivy为了做女团，之前一日只食一餐，更慨叹：“以前钟意排队排啲好平嘅嘢食，而家有啲钱，但系又用唔到喺嘢食度。”她想像自己几年后应该已经不红，希望到时可以重回入行前的生活，去葵广扫街。

Cloud亦说自己很向往将来可以跟男友拖住手去葵广扫街，或者当街揽揽锡锡，透露：“因为我自己习惯咗俾人认到，但系可能另一半会介意。”Ivy就觉得自己入行后最严重的变化，是常常都会质疑和审视自己，直言：“生活上大小事你都会跟住网民去批评自己，有人话你笑露得太多牙唔靓、你个口好大唔靓，跟住而家就算我真系觉得好好笑，我都要哈哈哈哈咁样（掩住嘴）笑，我觉得好挂住以前嘅自己。”她更问：“我最真正开心𠮶个自己，大家唔钟意，变咗我就会觉得‘我系咪都好丑样呢？’”

虽然很多人都认为Ivy是现役最靓女团成员，但她始终都会受负评影响，她坦言：“啲人成日话唔好睇𠮶1%话你嘅嘢，冇可能㗎，就算你见到99% 嘅（好）嘢，但系𠮶0.1%，你都会记住咗，譬如叫你笑得开心啲，你就会谂起𠮶个comment，就会有啲顾忌。”Cloud都理解很想完全消灭负评的心理，不过她觉得有些Hater实在太高招，会赞到你不得了来“捧杀”，所以她慢慢已放飞自我，对负评抱“是但啦”心态。

程人富问起两人最低潮的时期，Ivy不讳言是COLLAR当年初出道担任张敬轩嘉宾，表现失准的一次。当时网民批她走音、嗌歌等等，对她打击极大，她说：“𠮶阵时我谂住我直接quit咗COLLAR，𠮶次真系俾人闹得好劲，当时大家都觉得，终于有个女团出咗嚟喇，好万众瞩目嘅时候，就做得唔好，我真系将自己每日困喺间房，又唔出门口食嘢，之后我手机系劲惊有任何message弹出嚟，𠮶时直接开咗飞行模式，好夸张呀！”她因为是狮子座，爱面子，很怕分享自己的失败，但发觉原来隔了两年多，再重提这件事仍然会想哭，她落泪说：“其实发现而家讲返都辛苦㗎，因为𠮶时成日喊到唞唔到气，我谂唔到我过咗咁耐之后，谂返起都系会觉得……有好多晚都系喊到唞唔到气，之后就瞓著咗，第二日瞓醒只眼好肿，大概个半礼拜都系𠮶个状态。”程人富问她最后如何走出，她谓：“问心𠮶句，我系咪真系谂住quit？系咪真系谂住quit咗COLLAR？唔系嘅话，咁就出呢个门口继续。”

而Cloud都一样因为唱功被批评过，她说是当年夺得“叱咤乐坛生力军女歌手金奖”后，“的确唱得好差，新人奖𠮶时，当时都细，好钟意系咁睇连登，其实你明知自己做得唔好，但系你就系要睇吓啲人点样闹你。喺庆功宴度真系都喊得好犀利，啲人开始觉得呢个女仔有啲奇怪，饭都唔食系咁喺度睇连登。”不过经理人叫Cloud享受当下，否则她往后对当晚的记忆就只有喊的部份，而没有好好享受得奖的喜悦，所以她都改变了心态。不过Cloud就自爆其实会匿名上连登为自己平反，有时见到一时批评自己的留言，她会回复：“唔系呀，佢都OK呀，几好呀其实！”