邵音音村屋被爆窃似中迷香　全家在场零察觉：好似识轻功咁好叻

邵音音昨日（19日）在观塘出席活动，提到今年2月大埔村屋被贼人入屋爆窃，她接受《香港01》访问仍犹有余悸，她说：“我相信生死有命，如果为咗200蚊斩死我都冇办法，要去都要去，但其实都好惊嘅。”

邵音音未有透露损失金额，但形容贼人手法极专业，一早已将屋内多部闭路电视毁掉，惟孙仔房间有多个隐蔽镜头未被发现，才拍下贼人爆窃情况，她说：“全家人喺度，两个贼喺屋企行来行去，好静脚好似识轻功咁好叻，我觉得好犀利，系好专业嘅大贼嚟。佢哋好慢动作，全间屋啲嘢攞晒出嚟睇，我啲猫喺隔离睇住，陪佢哋偷嘢。”

她表示平时朝早6时才睡，到8时便起床，但当天竟然睡到不醒人事，她说：“𠮶日我同狗仔好似昏迷咗，唔知系咪有迷香，唔知，佢哋好放心咁偷嘢。”她指贼人早已清楚村内所有人的动向，确实防不胜防，但搬屋又要花太多钱不容易。

另外，对于王晶无故出Post大闹姜涛，邵音音表示不清楚来龙去脉，但过去年代很多上海来港的记者，经常骂台湾歌手，反令台湾歌手知名度大增“闹到红咗”。而邵音音与王晶亦共事数十载，但不理解今次事件，谓：“我唔觉得系咁，但睇新闻又系咁，我都唔知，大家闹来闹去，大家就愈来愈红。”