MIRROR小组未闻CHILL CLUB颁奖礼无下次　Stanley信姜涛强心脏

专栏作家向漫山日前以“CHILL CLUB唔得”为题，在文中提到︰“我亦收到小道消息话这个颁奖礼的确可能没有下一次，原因正正就是ViuTV早就知道次次都是自己人攞奖，其他唱片公司已经意兴阑珊。”MIRROR第二小组 — 鹰小组一连两场的《Wild and Gentle Live 2025》昨晚（13日）尾场，完骚后Ian、Tiger、Stanley 与Jer接受访问时，被问及有否留意相关报道，Stanley表示：“佢畀我感觉唔系一个颁奖礼，系一个party，所有歌手一齐去玩，今年好多唔同队伍嘅band sound出嚟，我哋每个都好high，所以我哋唔会想呢个party完。”

另外，提到王晶日前突然发文怒骂姜涛，Stanley表示姜涛经历多，心脏亦渐渐强大，相信对方能面对。“而我相信佢会亦到自己点做好啲，用行动话畀大家听佢系会努力做好。（会唔会觉得无风起浪？）我觉得我哋咁多年都好多风浪，要慢慢努努力去消化，我觉得如果我哋净系focus 喺呢啲批评，当然会气馁，但如果将呢啲观点摆喺自己度，例如定一个目标比自己今日要做啲咩，将所有Energy摆喺自己度，呢个先系最重要。”