65岁单亲妈唔要赡养费独力养女　将第四度荣升婆婆赞女儿：好生得

现年65岁的文雪儿（Candy）去年决定“退休”享受天伦乐，两个宝贝女张筠（Christy）与袁萃（Jennifer）近几年先后结婚产子，日前文雪儿接受好友钟慧冰的YouTube节目“冰姐的花样人生”访问，透露将会四度荣升做婆婆，恭喜！

文雪儿的大女张筠育有一子，而细女袁萃前年年初诞下大仔Jensen后，再度火速造人成功，细女去年6月出世，想不到生完不足一年，今年又再造人成功，钟慧冰忍不住笑说：“妳个女咁好生养。”文雪儿搞笑回应：“我睇佢个样，如果我有个仔，我一睇呢个女仔，都会话呢个娶得过，好生得。”

文雪儿直言细女从小已希望“生多啲”，她说：“佢系好很喜欢小朋友，我觉得每个人都有自己嘅谂法，我大女同细女嘅谂法好唔同，我细女从小就希望可以多生啲小朋友， 自己凑、自己玩，好似幼稚园，而家佢走嘅路系佢自己选择，亦都系佢自己想行嘅路，我都戥佢开心。”问到会否想要一个孙女？文雪儿说：“我唔敢讲任何嘢，唔想佢哋有压力，呢啲系人哋条命，我唔想左右，费事佢谂咁多。”

文雪儿曾经被誉为“丽的四大花旦”之一，1986年结婚并息影，诞下两女儿，可惜婚姻只维持8年便结束，之后由文雪儿独力抚养两个女儿。当年文雪儿未有向前夫要求赡养费：“呢个系我哋嘅交易，我话可以唔要佢啲钱，但我哋唔好要咁多官司，争嚟争去，总之畀咗两个女我自己搞掂就算，我唔想每个月等人过数。”文雪儿觉得人生总会有甜酸苦辣，当时虽然很疲倦，但不觉得好惨，因为能陪伴两女儿成长，所以冲劲十足，希望让女儿过更好生活。

文雪儿两女儿都好生性，大女李佳怡随母亲姓张，改名为“张筠”，而且是名学霸，毕业于英国UCL（伦敦大学学院）土木工程系硕士，现为土木工程师；而细女李佳欣则改名“袁萃”，修读传理系课程，现时帮妈妈打理美甲店业务。文雪儿在2005年觅得第二春，与任职建筑师袁慧明再婚，老公又视两位继女如己出。访问中文雪儿笑说：“其实我吸引佢唔系因为我靓，我觉得佢钟意嘅性格。我唔系一个好计较嘅人，小小事都会好开心，遇到啲唔开心嘅事，一阵间就算。我入行几十年，冇同人闹过交，我唔钟意同人有冲突。”