四料港姐冠军自爆曾被非礼　搭港铁遇变态色魔：伸出嚟扫我只手

现年47岁的李珊珊在1996年参选港姐夺得冠军、最上镜小姐、最受传播媒介欢迎奖及才艺小姐四个奖项，成为四料冠军，加入演艺圈后拍摄了不少剧集，直至2005年开始减产，2011年后更近乎神隐，直至早前复出幕前，成立YouTube频道《三坐山Mount Trio》推出不同节目。日前李珊珊邀请了傅颖Theresa（现名傅宝谊）担任嘉宾，大谈近况。李珊珊在节目中自爆曾在乘搭港铁时，惨遭变态佬非礼的经历。

李珊珊忆述当时仍是读书阶段，搭港铁时遇到变态色魔：“试过中学（搭港铁）时挨玻璃门背书，好专心背书时，突然间有嘢喺度扫我只手，跟住我只眼望一望，见到有个男士向住我，佢着住条好短嘅短裤，伸出咗佢‘弟弟’个头出嚟扫我只手，我讲真嘅，哗！我𠮶时系I人，真系唔识得畀反应！”她自言当时受惊过度，手上的书突然跌落地，变态男才立即逃走。

李珊珊指变态男应该非常了解她上学时间，并再次在港铁站遇见他：“第二次又喺地铁追住我，我𠮶阵时只系识惊唔识得嗌，我系咁逐卡车跑，终于见到有人起身，我坐落去，希望佢唔好追住我，点知佢坐埋我隔篱，我唔识畀反应，我惊咗都估有十几秒，然后我好大反应企咗起身，跟住成架车啲人就即刻望住佢。因为见到一个着校服嘅人，突然间一嘢咁弹起身，梗系知道有问题啦！佢知道我识反抗，我就冇再见到呢个人”。李珊珊认为对方是惯犯，看出目标猎物内向，又不敢求助，就会伺机埋手。