玛姬主持校园节目走访90间中小学　工作变深度游发掘更多鲜为人知

最近由玛姬主持的校园节目在学界大获好评，不经不觉已经走访了全港接近90间中小学。而于ViuTV热播的《学界Create, Like and Share》亦载誉归来，刚刚展开第二季，于逢星期日早上十点播出。

玛姬表示拍摄过程中有很多难忘经历，仲第一次踏足沙头角：“其中有一集我哋成个团队要申请禁区纸去沙头角采访全港最北嘅小学，校长仲特登带我哋去咗中英街同埋全港最长嘅码头‘沙头角码头’拍摄，之后行咗去沙头角最东嘅‘沙头角之角’，企喺当年清朝官员题诗而立嘅石碑前做访问，简直系寓工作于深度游。”

此外，玛姬在市区学校亦发掘到鲜为人知的宝藏，一间在铜锣湾的中学让她犹如走进博物馆一样大开眼界：“我喺佢哋有近百年历史、被评为一级历史建筑嘅礼堂访问校长，地下系罕有以斜坡设计，而楼上balcony每张木座椅都系古董，成个气氛真系好啱拍电影同MV。之后仲了解到原来当年好多著名学者文人包括：郭沫若、茅盾、钱穆、唐君毅、饶宗颐都曾经喺呢个礼堂演讲，甚至连鲁迅嘅追思会都系喺呢度举行，令我访问时都即刻肃然起敬。”

在走访不同校园的过程中，玛姬留意到现时学校都十分重视体育发展，投放资源让学生有全面发展，大感羡慕：“我曾经喺天水围一间小学同小朋友一齐玩飞索滑翔，再上二楼玩游绳下降，差啲以为自己去咗芭堤雅！另外，有学校兴建落地玻璃健身室畀学生随时可以做gym；有学校喺有盖操场起一个仿真雪溜冰场；有学校将放学后嘅图书馆化身做日本剑道场；甚至有学校将课室改建成单车房，仲邀请埋世界冠军黄金宝每个星期嚟训练学生，而家嘅同学仔真系好幸福。”