“六合彩之子”入职10年每一期都买　最好运中三奖靠呢个秘技？

蔡国威昨日（08/4）为《香港国际试食节》记者会担任司仪，会后他更率先为大家行一圈，试食会场中的各种美食佳肴，饮品。蔡国威接受《香港01》访问时，大赞场内的美食佳肴，他说：“我听闻今次有好多参展商，除咗试食节可以食到唔同国家同品牌之外，仲有其他嘢买，所以都几丰富。入嚟试食完就可以帮衬。用好平嘅价钱$10就可以入场试食，系大家都win win，好开心。”

蔡国威表示，现时除有TVB工作外，亦有不同场合的司仪工作：“托赖出面嘅司仪工作都好多，好多谢客户觉得我系一个称职嘅司仪主持。”

讲到蔡国威，必定会想起他的另一称号“六合彩之子”。他接受访问时，透露自己买六合彩有一个习惯。“最多中过三万几蚊，即系当年嘅三奖，都有十年前啦。之后都系细奖，几千蚊到一万蚊左右，但系唔多，间中一次咁样。（有习惯？）我冇㗎。我自己做咁多年六合彩我好深信一样嘢，系要中嘅话，买$10都会中！所以唔需要做咁多额外动作，只要买你心仪嘅号码，最钟意𠮶六个号码，之后就长期买。”他透露，自己每一期都会买，如果某一期特别多奖金时，也会加注多买几张电脑飞。