姜涛同熊猫争食竹叶表情一言难尽 IAN陈卓贤睇到呆咗
撰文： 洪晓璇
出版：更新：
港产大熊猫“家姐”、“细佬”自出世以来，可爱模样圈粉无数，男团MIRROR成员姜涛及Ian陈卓贤成为其“契爸”，近日孖住到海洋公园探望兼开直播，期间姜涛竟即席亲尝熊猫至爱的竹叶，令人哗然。
姜涛与陈卓贤隔住玻璃与契仔契女互动，见到熊猫们食竹叶食得津津有味，出名为食的姜涛竟主动向工作人员要求试食：“搞到我都好想试吓系咪真系咁好食？我可唔可以试一块，睇到感觉真系好正，第一次觉得蔬菜系咁好食。”
工作人员火速递上竹子，姜涛笑言：“真系有㗎！我喺度食竹又上新闻㗎啦㖞，人系咪真系食得㗎 ？我见佢（熊猫）𠮶啲好有水份，我呢啲咁干嘅？”工作人员亦即截停姜涛，表示他手上的竹子是隔夜的，要拿新鲜的给他试，就连主持都表示：“估唔到呢个live可以睇到姜涛食竹。”咬完几啖姜涛皱起眉笑言：“好涩呀。”又问陈卓贤要否一起试食，陈卓贤耍手拧头指：“我今朝食咗粥啦，瘦肉粥。”