中年好声音3｜任永健被淘汰 遗憾冇陪岁半儿成长：好似唔识我咁
撰文： 林迅景
出版：更新：
《中年好声音3》昨晚（06/4）一集，阮慧珊和任永健成为了第13和第14名，遭到淘汰。节目尾声，任永健说出了一番令人感动的说话。
任永健说：“𠮶阵时冇谂过自己可以上电视，呢个系我第一次上电视，个感觉好梦幻，冇谂过自己可以做到，喺咁多人面前喺大气电波面前唱歌。其实系小朋友嘅力量，令到我有呢个勇气参加比赛。因为我想同佢证明一啲嘢：‘努力做就得㗎啦，你睇吓爸爸。’”
他续说：“我能够留喺呢个舞台有好多因素，可能系好彩，可能系你𠮶日嘅表现状态好，但系你唔知几时就会忙，所以我好珍惜呢个舞台同机会。但系一谂到呢度，我就谂起我个小朋友。”他哽咽道：“8个月啦，我个小朋友岁半，大个咗好多。我有时都喺度谂，我系咪好自私做自己想做嘅嘢，忽略咗我屋企。我见到我小朋友岁半，但系有一半嘅时间我冇乜点陪过佢，佢好似唔识我咁样。”
他自问：“我系咪要继续坚持㗎？再坚持得唔得㗎？我小朋友会唔会唔记得我？但系撑到呢度，我觉得对所有人都有交代。”