苏韵姿Fans Club取名“姿心批”　感激粉丝陪伴鼓励走出低谷

早前签约加盟升阳娱乐文化的苏韵姿，日前与数十粉丝聚会预祝生日，并宣布成立Fans Club并命名为“姿心批”，期间已两年未有跟Fans聚会的苏韵姿表现亲民，除了跟粉丝逐一互相认识，又与粉丝玩游戏及影相留念，她直言感谢粉丝们对她的不离不弃，透露不少粉丝陪伴她走过人生低谷，令她重新振作，再战演艺界。

苏韵姿直言很喜欢跟粉丝们互动，感激他们给予爱与力量：“如果讲我人生低潮期，一定系离开《爱﹒回家之开心速递》，当时好迷惘，因为入行6年以来都系做同一套剧、同一个角色，到离开咗自己熟悉嘅工作模式时，有其他监制揾我拍节目，发现自己原来系乜都唔识，好彩呢段时候好多Fans不停留言支持我，又叫我开live同佢哋倾偈，鼓励我尝试多啲唔同嘅嘢，所以𠮶时我就去尝试音乐剧。”

累父母担心感内疚

虽然低谷已过，但苏韵姿内心仍愧对粉丝及家人，她表示：“好想工作上做啲成绩畀佢哋睇，例如做啲重要角色或主角，回馈佢哋；有时自己会觉得好内疚、觉得嚟香港发展系咪一个好任性嘅抉择呢？爸爸、妈妈喺加拿大病，我又照顾唔到佢，仲要佢哋担心我喺香港生活。”

提到成立Fans Club并命名为“姿心批”一事，苏韵姿笑言觉得这个名字很有趣：“其实有好多粉丝，都喺我做处境剧时开始支持我，有啲Fans仲会场场嚟睇我做舞台剧，又会着住特制T恤嚟睇我做骚。”