冼靖峰唔怕畀《声秀》参加者分薄工作　悟出真理：唔系你就唔系你

冼靖峰昨日（3日）出席TVB新节目《声秀》“香港招募 率先启动”记者会，呼吁一班16-30岁有心追梦的青年参加，发掘有潜质的乐坛新星。更分别邀了三个不同年代的歌唱比赛的参加者到场，分别有：《新秀歌唱大赛》、《超级巨声》、《声梦传奇》来出席分享心路历程。

冼靖峰接受《香港01》访问时表示在节目中负责的岗位暂时未确认，但就可以跟新人分享自己的经历，亦会推荐身边的朋友参加：“因为其实身边都有好多朋友好钟意表演，咁亦都系每一位我都觉得都有talent，我都谂返每当其时佢哋都有啲人想参加《声梦》。”但他们因为各种因素最后没有参加，所以今次希望一班嘅参赛者可以有一个好的表演机会。

但冼靖峰被问到怕不怕《声秀》的参加者选出后会分薄了自己的工作量时，他就觉得不会：“因为我越嚟越觉得入咗行之后，我觉得工作呢样嘢系你就系你，唔系你就唔系你。呢样嘢如果唔系你，即系代表个天觉得唔适合你。”他笑指不需要想太多，是谁抢了工作，只需要做好及强化自己。

冼靖峰最近忙于拍摄综艺节目《香港原味道》，他表示在节目中有不少的得著，更笑指自己“学识咗自己搞晒化妆同埋set头”。冼靖峰表示因为这几年都依赖化妆师及发型师帮他处理造型，但因为今次拍摄要一大清早五点多就开始准备拍摄，所以就立下心肠自己去学。

冼靖峰表示拍摄这个节目去了很多地方，他对于“猪场”的印象最深刻，除了很臭外，还发生了一件事：“我记得我有一日去猪场𠮶日，我冻到系郁唔到只手指！攞唔到电话咁样，咁所以都真系几痛苦，但系好有意义呢个节目。（除咗学识咗自己化妆外，最大得著系咩？）最大嘅得著就系我每食一样嘢，其实我都冇谂过原来背后相关呢个行业嘅人系咁辛苦。”他学懂了后面的“匠人精神”。