五索自爆因一事被马清铿激到喊想分手　揭男方多缺点却被一招氹掂

现年34岁的网红“五索”钟睿心（Rachel）与身家以百亿计的66岁大生银行主席马清铿爆出婚外情，两人拍拖九年，育有4名子女，有指五索获男友送赠9000万的麦当劳道豪宅，她亦经常炫富，高调大晒豪宅内景、名牌手袋及靓车等等。虽然五索早前接受网台节目《丝打围炉》访问时承认婚外情事件爆出后，令男方有微言，更指“佢嬲爆”，但她至今依然得宠，且愈来愈高调。

不过，五索日前就拍片透露自己上月因一事想跟马清铿分手。五索日前拍片表示突然变了感情顾问，分享她的心得，表示：“我觉得人系冇完美嘅，就当马先生一个咁嘅人，佢好有钱对我好好啦，但其实佢都有好多缺点，佢真系一个好难相处嘅人嚟，佢系超级大直男啊！”五索续说：“我show 俾佢睇 (生蛇 ) 冇晒头发，佢第一个反应系：‘啊好核突啊，咩嚟㗎？唔好过嚟啊，系咪有菌啊，唔好俾我睇，走啊走啊’佢嫌弃兼鄙视，我个下即刻爆喊，揾我best friend揽住喊，一齐谂方法，点样戴假发可以遮住𠮶个位，而佢（马清铿）作为最亲嘅人，连我嘅好朋友都不如，所以我𠮶下真系好嬲啦！”

事后马清铿就好识做地氹返五索，他翌日买了机票，并跟五索说：“你咁大压力，我哋一齐去欧洲玩”，令五索立即打消分手的念头。五索表示：“哇，每次想分手嘅时候，佢就做埋啲咁嘅嘢！所以一个人系唔会完美，就算佢把口唔叻，成日得罪我，但起码有行动用心去安慰、关心我。我嘅择偶条件就系，我好想另一半有啲行动，证明佢真系关心我或者爱我嘅。”五索直言没有人是完美的，她只在乎对方是否能给予她想要的。