全民造星VI｜花姐面试十分钟即破功爆粗 为MIRROR成员个唱已请假
撰文： 邝钰莹
出版：更新：
《全民造星VI》正式展开，大会今年为显诚意，特地进行8日面试时间，希望尽量见到每位有交表格的参赛者。而《全民》要员花姐，今次亦强势回归，对于有参赛者在Threads指花姐拣人十分偏心，她在记者会上指︰“可能系佢样或性格唔够好，我个人不嬲都公正”。
花姐接受访问时表示，由于今年参赛年龄降至16岁，所以都有警告自己要忍口。“因为自己都系妈妈，如果见到个人畀人用粗口闹会好伤心，但好似忍唔到十分钟，真系好忟憎，但𠮶日对自己影响都好，原来好多年轻人都想追梦，仲要唔系玩玩吓。”
花姐表示自己两位儿子无兴趣造星，又叮嘱一句︰“唔好搞啦，畀我两个仔安安乐乐过埋下半世啦，我唔想佢哋入行，因为太辛苦。”花姐访问时亦不慎爆粗，她解释自己并非“系又闹唔系又闹”，又爆强尼比自己更忟憎。今年《全民造星VI》不到海外招募，但有不少参赛者专程由外国返港，花姐一开始担心继续招募男生会失去新鲜感，但见有如此多人报名都感到得戚，强尼亦透露有《造星》第一、二届参选者再次出现。
一如以往今届会有99位学员，问到会否提醒学员在处理感情事要慎重，花姐表示：“应该唔会因为呢样嘢去考虑，因为系私事，海选时唔会摆在考虑之中。当我觉得会系佢经理人时，我会提醒佢，一日佢未系我艺人，我无资格去决定。”
由于MIRROR有部分成员今日举行演唱会，花姐表示此乃最担心的问题，刚刚亦发脾气，但她打算揾多些同事帮手，而MIRROR成员演唱会期间，她亦已向《造星VI》请假。问到同样《造星》出身的阿Dee（何启华）成功做业主，花姐表示：“我都系睇新闻先知，佢系咪有副业？大家去check佢啦。但真系好有成就，出道7年有两个物业。”