邓兆尊再讲性生活　回家惊见女友着喱士睡衣色诱即闩门：以为撞鬼

超级富二代邓兆尊有“现代韦小宝”之称，他享尽齐人之福，拥有3位红颜知己，包括“正印”Carmen、“阿二”车厘子（Cherry）及“阿三”陈小姐，而且三女亦贴贴服服，不会争宠。日前邓兆尊就在李婉华的影片频道大爆与3位红颜知己“已无性生活”，同时亦表示自己平时不吃补品，因为“只有蠢嘅男人先补，补完都系益返个女人。”

李婉华问如果她们有需要时要怎么办，邓兆尊就说：“冇呢啲嘢㗎喇！有需求咪入纸啰，申请等我储定啲能量同你开始。”至于如何储能量，邓兆尊就笑指靠“踢波”，之后又坦言自己不喜欢年纪轻的女人：“大家依家个年纪或者大家识咗咁多年啦，已经30年了，唔系著重系某一方面㗎啦！我觉得18岁到30岁楼下嘅女人唔系唔靓，靓，但烦！”

而昨晚邓兆尊亮相另一网台节目，与江美仪、吴家乐、谢逊搭档主持，再被问起性生活，他又改口表示在李婉华节目只是讲笑：“梗系啦，唔通话畀佢听日日都有能量？出唔到街㗎喇！”吴家乐再追问他是否冇性生活，追求心灵满足，他表示：“我追求心灵嘅满足。”作为女性的江美仪却指：“你三个女人，梗有啲嘢嘅！”兆尊竟说：“监狱里嘅人每一日都谂咩呢？每一日都谂逃狱呀！点会仲谂监狱有咩食呀？”

江美仪再问，即使兆尊无需要，三位女伴可能都有需要，邓兆尊则笑言：“有需要要讲先得㗎嘛，你唔讲我点知你有需要？”被问到女伴会如何表达，邓兆尊说：“好易㗎啫，试过啦，无啦啦返屋企，开门，咦？点解着喱士睡衣瞓喺个厅度？我闩门就走喇，撞鬼呀！闩门走，已经好攰，拖住疲乏身躯返到嚟，望到，闩门，走喇！”几位主持都拍手大笑，家乐则指兆尊投诉女方唔表达，但表达完他又闩门走，他于是解释：“褪后啫，点都要开返道门，明唔明呀？我谂住睇错啫，再开，哎呀，喺度呀？冇办法啦，咁嚟啰，但第一样搏自己睇错先。”

江美仪问，若开门见到两女摊喺度又要怎办，兆尊答：“唔好傻，分开住㗎！梳化得一张，点摊两个喺度？”美仪惊讶原来他有三间金屋分别藏三娇，兆尊再表示：“好多人有一间屋，但有啲屋系唔话畀人听，𠮶啲私人屋唔话畀人听。”美仪戏称他可能随便开一间屋都会中“Jackpot”，兆尊苦笑：“成日都中！我都想唔中！天气冻就冇咁易中。”吴家乐就帮手打圆场，指兆尊原来不是没有性生活，只是视乎三女有冇需求。