伍富桥有米爱妻贪平堕机票骗案 薛家燕稳阵唔贪平：容易得不偿失

薛家燕（家燕姐）今日现身启德出席欧洲著名瓷器品牌新店开幕仪式。家燕姐善心爆棚将剪彩所得10万元利是全数捐出给慈善机构：“我好开心钱妈妈邀请我嚟做剪彩嘉宾，令我可以亲眼见到佢，因为我听钱妈妈嘅爱心都听咗好多年，就系透过曾醒明先生而认识，而钱妈妈早已在40年前已经喺泰北起咗3间孤儿院，帮助咗好多流离失所嘅孤儿。就系咁佢认识咗曾生，我亦系为曾生做泰北嘅爱心大使，变咗大家都有共同嘅目标去帮助弱势社群，听到钱妈妈邀请我做剪彩嘉宾，我实嚟啦。”

另外，家燕姐亦透露本月30正日生日，家人已安排出国旅行庆祝，惟地点未有向她透露：“今次呢个惊喜旅行我都唔知去边，只系知工人姐姐帮我执咗两日嘅衫。（有冇执泳衣？）本身我冇泳衣，哈哈！（买返套！）唔卖啦，冇泳衣可以唔使着，费事麻鬼烦，费事益大家。如果上咗网，点击率肯定好爆。（生日愿望？）咁梗系想再抱孙啦，添丁同埋添女婿啦！”

提到伍富桥富贵老婆贪平买商务舱机票误堕骗局，并于社交平台发文呻笨“今次真系X都要讲”家燕姐表示：“其实我又唔使买𠮶啲机票，因为好多时，我都会突然收到唔同嘅工作，变咗机票成日会更改，好似最近突然我又要去浙江卫视，又会去横店拍嘢，一拍又去咗几日。就系因为咁，𠮶啲特惠机票佢哋就唔会帮我买，因为好客易得不偿失。”