足球女将｜郭雅琪Niki被封负评王 自爆拍摄时情绪差：行行吓路喊

ViuTV足球真人骚《足球女将》近日播出引来不少讨论，节目由24位艺人、网红KOL、前或现役运动员组成分队作赛及训练。第三集之中，有“港台瑜伽女神”之称的23岁郭雅琪（Niki）就因缺席训练的理由牵强，加上道歉态度欠差而成为网民攻击对象，迅即成为箭靶。不过实情又真的是可否如节目所讲呢？

参加原因：我好钟意试新嘢

郭雅琪（Niki）接受《香港01》访问，坦言拍节目占据了当时自己的大部份时间。谈起参加节目的理由，她说：“因为觉得自己比较得闲个几个月，觉得自己可以搭出一步出去尝试唔同嘅嘢，我觉得人生在世乜都可以试吓，我好钟意试新嘢，好似我去练车咁。咁每一个人做每一件事都一定有目地去做，唔会盲无目的去做，只不过睇讲唔讲到出来啫。”她坦言，当时拍节目一星期需要4日训练，每次三至六小时不等，其实颇为辛苦。

缺席训练因有情绪病

节目中提到，她多番缺席训练，她坦言当时有情绪病，且曾向导演表示病情影响生活，希望退出但不被接纳。她说：“𠮶排自己情绪的确好失控，会行行吓路喊，好钟意困自己喺屋企，唔想同人讲嘢，好焦虑好担心所有嘢，觉得自己好似呼吸唔到咁，试过自己情绪唔好嘅时候都去拍嘢，自己都系控制唔到会喊，啲女仔就会好关心我问我咩事，佢哋会问系唔系佢哋做咗啲乜嘢对我唔好，其实完全冇。”她表示，觉得自己情况欠佳就不应该去拍节目阻碍拍摄，也不想影响到其他人。

节目放大“缺席”部份？

她也强调，当时医生有提议她食药减轻病情，但她不想有依赖性所以拒绝了。“同大家一齐系开心，但系我真系太耐无接触太多人，一开始我有啲恐惧，班女仔真系好正，好关心我，所以我都有同大家讲自己情况，后尾都积极参加训练。”之不过，节目播出后，某些部份似乎就消失得无影无踪，到底是有心还是无意呢？

突然“加钟”生活受影响

郭雅琪（Niki）也表示，足球训练比原家的时间多了三个月，因此而打乱了她的其他工作时间，教瑜伽班及赛车训练等都大受影响。“呢一个节目完咗我可能都唔会有机会去接触足球，而坚持落去训练令到我个脚腕更加受伤，因为唔小心拗柴，令到膝头唔稳定同积水，反而会影响咗我跟住落嚟嘅计划同埋生活。当我架车喺赛道上面行紧二百几要好快转波，减速转弯，我只脚腕个下真系无力同痛，有试过因为咁而跌车，我当时其实好惊。”她就这些问题曾向剧组反映，表示希望退出，但剧组就提议叫她尽量出席。“𠮶阵其他女仔一星期去4次，我只系去2次，其实对其他女仔都唔公平。”

压力？“我都改变唔到啲咩”

节目播出后，令她成为了“负评王”受到网民批评，有没有压力？她回答：“又真系冇喊过，冇乜压力，只不过觉得有啲无奈，唔知点讲，有啲嘢虽然大家都知唔系咁，但系我都改变唔到啲咩。就好似可能大家见到我闹紧一个人，就觉得我冇礼貌，但系前因后果大家都唔知，就系咁 。”觉得剪接不公平？她也回答：“有啲女仔的确成日去，一开始自己的确早上冇去到，但系自己其实提前讲过原因，至于点播出嚟，我觉得大家开心就好啦，但系我主动退出之前其实都去咗三份二。”

一切都系节目效果

何谓“节目效果”？ViuTV节目《足球女将》可谓是发挥得淋漓尽致，除了将每个参加者的优缺点放大，亦减去了不少内容。郭雅琪（Niki）就提到：“举例好似Kathy仔其实好努力，但系影出来可能成日喊，跟住俾人X，其实我好清楚 佢好努力好努力，仲有好多女仔都好努力，只系镜头其实冇咩播到出来，可能时间有限啦。”