影坛大哥爱妻曾患大肠癌扩散至淋巴　月前肺炎急入院险丧命

现年77岁的姜大卫（John哥）是首届亚太影帝，去年再凭电影《白日之下》演失智院友“通伯”再获最佳男配角。姜大卫事业顺遂，更是一位公认的“爱妻号”与76岁的李琳琳结婚逾半个世纪，依然甜蜜恩爱。李琳琳于2011年发现患上大肠癌，之后扩散至淋巴，姜大卫一度停工照顾爱妻，陪伴太太度过抗癌路。近日两夫妻接受好友汪曼玲的YouTube频道《快拍。曼镜头》的家访，李琳琳惊爆去年两度入院，月前更因肺炎入院，半只脚踏入鬼门关。

10几年前因中耳积水要戴住助听器的李琳琳，在访问时颇精神，但汪曼玲就爆从姜大卫口中得知，李琳琳月前因肺炎入院险丧命。李琳琳直认是一个不锡身的人，透露在元旦开始发病，延医了一段时间才发现情况严重，她说：“前排啲肺炎好劲，有啲人抵唔住都往生咗。我都唔知自己系咁严重，直到我去睇医生嘅时候，医生叫我即刻入院。第二日医生同护士讲，如果佢系第二个，就已经死咗，我先知原来系咁严重。医生真系好有爱心，佢好知道我嘅身体底子，日日交代护士点样同我用药。”姜大卫续说：“佢个肺嘅X光片直头花咗，之前𠮶边都系花咗，另一边本来冇咁犀利，但系今次都花埋，所以医生即刻揾肿瘤科医生，惊佢系啲唔好嘅嘢，好好彩原来唔系，系花咗，肺炎。”

李琳琳表示住院6日，1月22日出院，她说：“个人体力已经好弱，肺炎好番，医生叫我乖乖哋，唔好周围走，推咗好多约会。”姜大卫当刻真的心力交瘁：“医院又只可以陪到夜晚，又要顾住佢中午食乜，晚饭食乜，啲仔女又去探佢，不过都唔紧要，知道佢有好转，可以出院大家都开心。”

李琳琳亦有忆述当年确诊肠癌经过，透露当日跟姜大卫一齐去验身，老公没有事，李琳琳就发现肠有肿瘤，一次过将肿瘤附近10几粒淋巴拿去化验，结果有一粒淋巴病变，肠癌即由第一期跳到第三期，所以要做化疗。姜大卫忍不住指太太经常将病情拖到最后，并爆去年已入过两次医院，李琳琳说：“肺炎嘅次数都几多，每到夜晚个人都会觉得㷫㷫地，不过又唔系发烧，小便又觉得热，所以我有好经验，一到差唔多就觉得好似系肺炎，但系都系拖几日先见医生。”

不过，李琳琳亦承认有点对不起家人，自己不太在乎，反而老公和子女好紧张，所以都有反省，她苦笑说：“佢哋紧张我仲多过我自己，所以近排都同佢哋讲过几次sorry，成日要对佢哋咁费心，我个人又执着同任性，又唔识做家务，得到佢哋咁锡我，真系好感动。”访问中，姜大卫更亲自下厨显身手，笑说：“好彩我系曳而唔系任性，如果唔系任性对任性，晨早就分开咗。几十年大家冇话一定要点，既然佢系咁样，大家相就，我成日都讲两公婆系互相，我咪迁就佢多啲。”