钟柔美被同学爆长期走堂损形象 姚焯菲爆出惊人真相⋯⋯

姚焯菲（Chantel）前日（20/3）现身将军澳出席无线处境喜剧《爱·回家之开心速递》宣传造势活动。对于好姊妹钟柔美（Yumi）被副学士同学大爆长时间走堂，损学霸形象，惹起网上热议。

姚焯菲接受《香港01》访问时为Yumi平反：“其实佢冇走堂，佢好冤枉。因为佢不嬲都系一个读书好勤力嘅人嚟，试过有时约佢出街或做其他嘢，佢都会话唔得，自己要返学，所以我系知呢个人系唔会走堂，佢系好勤力。咁所以我唔知点解啲人会话佢走堂。我好相信啲人系讲笑。（你有冇问过佢系咪真系走堂？）我又冇问过佢，反而新闻出咗之后，佢自己喺度讲话好冤枉，啲人话我系‘逃学威龙’。我都有同佢讲你都冇走堂，同埋佢返学好低调，通常返学系唔化妆，带晒口罩同帽，我会知佢返学变咗第二个人，咁所以啲人认唔到佢，咁所以系正常。”