Tiger邱傲然行事低调唔觉蚀底　盼以结他摇滚风奠定形象

邱傲然（Tiger）在新歌《Live The Way I Want》中，参与了结他solo部分，继续摇滚。为了宣传新歌，进行了密集式访问，Tiger笑言用尽了几年的说话名额，向来低调的他，甚少在IG分享生活日常，甚至连Threads亦无玩，形象似乎在大众眼中比较模糊。“所以我而家好畀心机练好啲结他，想学到通透呢样嘢，我会够胆同人讲‘我识弹结他’，不过我想话出咗歌之后，大家有了解多咗我，因为我平时一定唔会系最多嘢讲，又唔会喺IG分享，可能系因为歌入面讲咗我自己想讲嘅嘢。”

Tiger坦言如今玩IG发帖有一定压力，但他认为有不少渠道与粉丝保持connection，如TG群组。“不过我都理解社交平台对人嘅重要性，所以尽量发多啲帖，呢排多咗结他影片。又无话蚀底，大家有大家嘅路向。” Tiger自认实力未够强，希望藉著一首又一首的作品获得大家认同，未来的作品亦继续会有结他元素。如果要组band的话，Tiger认为一定要有天衡，再加上AK就成事了。已拥有10支结他的Tiger，表示面对AK、天衡，自己的珍藏完全是冰山一角，更自爆与AK之间的打赌。“睇下今年边个出得多结他影片，年尾要送畀赢家，好难估边个有机会，因为一开剧就唔够数，睇下边个有决心瞓少两个钟。”

除了结他外，Tiger对执导亦十分感兴趣，《第十七届鲜浪潮国际短片节》开幕短片《是日精选》、MIRROR《破镜》均由他执导，不过他认为仍有很大进步空间，问到如果能魔法提升一项功能，他十分肯定的说：“唱歌！因为4月有骚，如果可是即时提升，我就无咁淆底。淆系因为《Live The Way I Want》真系几难唱，上次AK演唱会做嘉宾还好，因为有天衡佢哋喺度，突然要自己一个⋯⋯好似今日访问，我讲咗三年嘅嘢。”Tiger解释只是少说话，但沟通与表达技巧是有的，平日亦会约朋友倾心事。“有次我同我妹食紧饭，有人接门铃，我开完门我妹问边个，我话系朋友A，佢话‘又系佢’，因为呢位朋友系差不多晚晚都喺我屋企，成日都见到佢，佢上嚟可能都系睇电视或吹水。”

Make up：Cori Wong @Annie G.Chan Makeup Centre

Hair：Manho Li@HairCulture

Wardrobe：Agnes b. /SOPHNET /泰八郎谨制 /Geox

场地：chillchillclub2024 @dantion_hk