夏春秋离世｜前新抱江美仪爆冬叔晚年身体麻麻　每周入院洗肾两次

资深艺人夏春秋（冬叔）上周二（11日）离世，享年93岁，其女儿吴君如透过社交平台证实消息：“我最爱嘅老豆走咗嘞。”而夏春秋的前新抱江美仪亦贴上与冬叔的合照，写道：“永远怀念！你的笑脸、你的笑话、你的幽默、同你一齐庆祝生日。冬叔，愿你离苦得乐，往生净土！”其实夏春秋一向痛锡江美仪，曾称：“美仪好好，一向对我哋都好有心。”因此即使冬叔儿子吴君祥与江美仪已离婚，做不成家人，但江美仪仍非常尊敬对方。

江美仪昨晚（17日）在网台直播节目《娱乐好好玩》中，就表示自己都是睇到吴君如公布死讯才知道这件事，但她亦透露其实冬叔近几年身体不太好，她说：“呢几年身体麻麻地，个肾唔系咁舒服，一个礼拜都要入医院两次洗肾。耐唔中我都会同Vincent（吴君祥）问候吓冬叔点呀，‘都系咁啰，喺屋企休息多啰。’因为都90岁。”

美仪又透露自己跟对方是同月同日——9月20日生日，因此以往会一齐庆祝，她又说：“冬叔有样嘢留返畀我哋系好嘅，就系佢永远都好开心，你永远见到佢都好开心，唔会好䒐䒏（音：mang4 zang2，‘忟憎’正字），成日都系笑骑骑，再唔系就讲笑话畀我哋听，我觉得佢留畀我哋嘅就系佢嘅开心，都系好好嘅礼物，永远记得佢嘅幽默，同佢讲埋啲咸湿笑话。”