方皓玟被麦美恩拒绝做朋友　称讲吓笑叫对方唔使惊：我仲惊过你

方皓玟早前拍片回应网民负评时，期间有一个留言讲到麦美恩，意思其实是指麦美恩的Threads，行文风格比方皓玟更“特别”，其Threads常以断句方式发文，方皓玟误以为对方讲自己，截下其中一个“风都/吹得起/食多/啲嘢啦/唔/该”的留言，并说：“佢呢啲，诗人嚟㗎……‘风都吹得起，食多啲嘢啦唔该’？咦佢系咪讲我？我留言畀佢先，佢系咪讲紧方皓玟？麦美恩，如果你讲紧我，你同我单声，我会回应你，唔使喺Threads度讲。”麦美恩回复：“不是”

事件见报后，麦美恩不止一次澄清及留言：“高擡贵手”，她极速在方皓玟的贴文再留言：“唔系啊。唔系啊。唔系你啊🙏🏻🙏🏻🙏🏻我已经5G冲浪回复 Cam Man哥哥。多谢你帮我解释番🙏🏻🙏🏻🙏🏻”方皓玟知道自己错怪麦美恩后，就伸出友谊之手想跟她做朋友，但对方只说：“吓。我好怕羞㗎㖞”就终结了对话，方皓玟受访时解释：“我都唔好意思，因为我无追开佢Threads，而家会追，我谂住同佢做friend，但佢怕咗我啰，佢唔受我。”

日前麦美恩受访时被问是否拒绝跟方皓玟做朋友，她承认：“系，我有拒绝佢，我冇follow佢，我系怕丑。”她显得非常尴尬，叫方皓玟不用道歉和不好意思，透露自己最初只是不知道如何反应和回应，当记者再问她是否愿意跟方皓玟做朋友，她窒机说：“可唔可以有男仔追我我会开心啲？多谢你邀请，方皓玟，我问吓许文轩意见先，佢同佢熟啲。”明显语带抗拒，网民都觉得平日大情大性的麦美恩，今次的回应为何如似不大方，好奇是否别有内情。

方皓玟其后转发了麦美恩拒绝跟自己做朋友的报道，她再标注了麦美恩说：“Mayanne 其实你真系唔驶惊㖞，我睇到依家仲惊过你呀🫣，邀请你做朋友好明显系讲笑㗎咋😎，傻猪唔好咁认真啦🧡”她再解释当日留言的因由，指自己出于礼貌邀请对方做朋友，并说：“唔驶惊唔驶惊，我唔怕食柠檬㗎，做人唔使太认真嘅。做朋友都要讲缘份嘅。”两小时候她再留言补充，表示：“今次都真系好多谢 @mayannem 啊，我平时都好少主动识朋友嘅，今次佢嘅回复都令我人生上咗重要嘅一课。我明白到自己食柠檬嘅能力原来系强过蔡辛强㗎，同埋以后提出识人真系要带眼识人啊😂”