中年好声音3｜海儿老师畀评语变英语教室　26个专业名词识唔识？

《中年好声音3》进入大直路16强PK赛，暂时由黄博、李金凯、刘洋、 张与辰、 陈芷盈、占士丁丁最为瞩目。虽说参赛者为比赛焦点，但评审们亦十分有可观性！近来集数中，“音乐女神”，从伦敦皇家音乐学院硕士毕业回流的海儿老师就经常成为讨论话题。就好似最近一集中，海儿给予评语时的一口流利英语就相当突出，令观众一边睇TVB一边学英文。

海儿：“我觉得你今日唱呢首歌，正如添sir所讲，真系唔足够去展示自己，特别系，我觉得你唔够温柔，暂时你太macro（澎湃），我觉得你啲dynamic要做得micro啲（强弱节奏做得更微细），我哋叫做micro dynamic（节奏）。即系有重点字，你唔可以用气推出个字，系有个curve（有起伏）。所以要喺micro dynamic做得更好，先会表达到你嘅character（性格）同你哋想法。”

海儿：“有时啲人数拍子系用单脚，你系进化到用两边。我觉得你有少少好rigid（僵硬），好tense（绷紧）。我有个suggestion（建议）就系，当你演唱嘅时候，不如试吓行几步，我觉得你有多啲body movement（肢体动作），俾自己郁动嘅话，你会舒服好多。”

海儿：“我觉得你喺各方面都进步咗好多，全部都有尽力，非常好。我觉得当你用力或者唱高音嘅时候，你畀力嘅方向有少少系...咁样，但系我哋唱高音嘅时候应该系用多少少攰嘅肌肉，佢帮到你expand（扩展）......条气系有个direction（方向）去，有个excerise（练习）唔知帮唔帮到你......可以去activate（激活）你，唱歌嘅时候嘅支撑。”肥妈：“海儿老师你咁样解，系好难明。我哋解就系。你点样同人闹交，就系挺起胸：‘你去死啦！’”

海儿：“你唱歌好有power（力量），因为你平时做好多运动，但系喺border有少少too much power（过度用力）。有时一首歌都OK，但系唱多几首就会比较嘈......你有一刻唔记得支咪，如果你系纯粹设计，就会好容易distract（分心），同埋个演绎冇咁真情。”

海儿：“佢每一次唱歌之前，都会（深呼吸）。呢个系一个超好嘅习惯，因为呢个可以即刻减低心入面嘅stress（压力），紧张，同埋减慢心跳。”

海儿：“真系教识我乜嘢叫甜到漏嘅唱歌，真系so sweet（甜美），very very good，同埋设计真系刚刚好。系𠮶啲短音位，仲要系高音，所以如果果下你收嘅话，好容易会畀人一个......系唔系去到未呢？粒音嘅...suspicious（怀疑）。所以如果你去多少少就会perfect，但系in general（总括），so far系我最enjoy（享受）嘅performance（表演）。”

海儿：“呢个表演系我觉得你confident（自信），同最comfortable（舒服），你系唱得好舒服。由摆pose（姿势），到跳舞、唱歌，你都好enjoy（享受）。今次我觉得你做到自己，今个performance（演出）令我眼前一亮，good job（做得好）。”

海儿：“成日都搞到我喊，我个妆化咗好耐。佢嘅自由系信队band点样都会接住佢，而𠮶种成个ensemble（合奏）嘅feeling（感觉）系令到我更加可以同个音乐融为一体。

中年好声音3｜靓女海儿回归教抛纸巾练声　车婉婉妙答有火药味？《中年好声音3》进入大直路阶段，昨晚（02/3）节目“那些年我们听过85年至94年的电台歌曲”为主题，亦是20强进入16强的淘汰赛。参赛者的演出固然精彩，特别是张与辰夺得了95分近乎满分的表现。不过，今集出席的评判就更有亮点。