夺命提示｜张振朗赤裸出现在刘颖旋屋企：佢凌空飞膝锄埋嚟

TVB新剧《夺命提示》今天（17日）即将播出，昨日（16日）一班演员于将军澳一商场出席宣传活动，出席的演员有张振朗、刘佩玥、刘颖旋、丁子朗、郭柏妍、邓智坚、黄子恒、吕珊、樊亦敏、区明妙、郭海枫、杨证桦等人。剧中张振朗与刘颖旋饰演一对情侣，二人亦有不少亲热的场面，监制Jazz笑指张振朗请吃饭才有这些镜头，张振朗与刘颖旋接受《香港01》访问时，张振朗笑指与刘颖旋“畀咗钱监制”。

刘颖旋于剧中除了打得外亦“喊得”，她表示要大赞“视帝朗”：“讲真嘅，因为𠮶一场系真系要佢比较上粗暴，咁成个感觉就好带到我入去𠮶个feeling。佢咁粗暴对到我呢，都好畀到感受。”二人更讲到有些场口是没有对好的，但又得到意外的效果。

二人被问到有没有最难的动作戏时，刘颖旋觉得每一场都有不同：“我觉得每一场嘅打斗戏，都会有一啲高难度嘅动作，但系可能而家暂时最难忘嘅一次，应该就系同山聪喺个预告片里面同佢格手𠮶场戏。”

之前张振朗已经透露会有赤裸镜头，被问到到底发生什么事时，张振朗笑指：“有一个镜头呢，系Tiff佢凌空飞膝锄埋嚟，有一个咁嘅动作。𠮶场戏其实危险嘅，都要防走光。其实我好明白到，原来女仔去拍呢啲性感嘅场合，都系好大嘅心理关口，我今次都要跨咗好耐先可以跨过呢个性感嘅心理关口。”被问到是否全裸所以才需要防走光时，张振朗即表示不是：“有条孖烟囱喺度嘅！观众睇到条孖烟囱嘅，有打底嘅。（呢个系最sexy嘅场口？）最sexy啦！”

张振朗最性感的场面就是穿孖烟囱的，而刘颖旋被问到最性感的一幕是什么时，她表示：“可能剧里面唔同嘅造型都会比较少布，咁大家第时可以睇下有几特别。”