夺命提示｜杨证桦唔受TVB开少咗剧影响：其实我都keep住有剧拍紧

TVB新剧《夺命提示》今天（17日）即将播出，昨日（16日）一班演员于将军澳一商场出席宣传活动，有张振朗、刘佩玥、刘颖旋、丁子朗、郭柏妍、邓智坚、黄子恒、吕珊、樊亦敏、区明妙、郭海枫、杨证桦等人。

杨证桦接受《香港01》访问时表示自己今次继续饰演一个纪律部队的角色：“其实我喺TVB都拍过无数嘅纪律部队，但系今次拍得非常之开心。”他笑指大家为了拍摄一个很漂亮的镜头，不惜以同一个pose维持45分钟：“即系摆晒一个pose喺度，我哋系足足超过45分钟。咁其实我哋咁辛苦为咩呢？就系想呈现一啲好嘅镜头，靓嘅画面畀观众。”

杨证桦被问到是否少了剧集拍摄时，他轻松表示OK：“我又唔系太过担心嘅，因为我除咗拍剧之外，大家都知我又做好多生意。咁我最近开咗一间动物医院啦，跟住喺韩国攞咗一个生命宝石返嚟啦，跟住有一个安全管理公司。”

“百足咁多爪”的杨证桦被问是否收入不够时，他则否认与钱有关：“因为我钟意做生意，我唔停得嘅我个人系，变咗其实做生意唔系一定话会赚㗎嘛，其实呢过程里面会学到好多嘢。”他更指加入TVB之前在外面已经有不少的生意，所以与在TVB赚得多与少无关。杨证桦指自己的副业是为了家中的小朋友：“小朋友仲细啦，咁就想揾多啲奶粉钱，等生活过得好啲。”

杨证桦被问到最近有指“TVB开少咗剧”，这个情况对自己有没有影响，他直接指没有：“其实我都有剧拍紧嘅。（keep住都有？）keep住都有嘅！即系好彩地因为好多监制都肯用我，咁变咗其实我系冇少到嘅其实。”