“唱跳小花”踏入三字头揾男人结婚　受情伤忍出轨男年半先讲分手

《女神配对计划》即将开始，并进行招募男士参加，《女神配对计划》一共有李芷晴、叶蒨文、梁敏巧、关嘉敏和罗毓仪5位艺人参加。美其名配对，实际为“dry爆”的她们揾另一半更为贴切。关嘉敏接受《香港01》访问，坦言今次参加节目可以“寓工作于恋爱”，是一举多得，另谈及对另一半要求时，竟分享了她的一个心理阴影。

自言“好kam”

关嘉敏坦言自己经常忙于工作，所以未必有时间拍拖。她表示，参加节目可以结识异性之余，更可以寻回恋爱的感觉。“我太耐冇拍拖，开始唔系好知道恋爱嘅感觉系乜嘢，同埋我都好kam，好多嘢都惯咗自己嚟，成个男人咁，所以可能好多人都觉得关嘉敏太硬净，唔会需要我。”

攞正牌拍拖

她表示，选到合适的男性一定会认真发展，更直言：“呢行成日都话唔好拍拖，而家做嘢之余仲可以拍埋拖，仲要公开，大家睇埋你嘅爱情萌生。几好呀，呢个系一个攞正牌拍拖嘅机会。”

对另一半的最低要求：千祈唔好有臭狐！

对于另一半的要求，关嘉敏明言自己“冇要求”，都是专一、孝顺、有爱心这些普通的要求。“其他都系感觉，沟通到。我唔系好在意外表，反而系内在，一齐嘅时候舒唔舒服咁。”有什么是一定不可以有？她回答：“千祈唔好有臭狐！同埋仪容整洁，唔系不修边幅就好够。”她坦言，在读书时期拍拖就曾有一任男朋友有臭狐。“我以为自己顶得顺，但原来真系顶唔住，𠮶次之后就有个阴影。”

忍出轨男年半先讲分手

关嘉敏透露自己有5次拍拖经验，但5次都是由她主动提出分手。“好多都系一系冇沟通，一系有第三者，一系我觉得佢管得我太劲。因为我系𠮶啲愈管我，我跑得愈快嘅人。最伤心一定系初恋，因为一开始乜都唔识，然后个男仔仲同佢个ex一齐。我同佢一齐两年，有年半都系关佢个ex事。最后分手就系我讲，但系已经唔关第三者事，而系佢讲粗口，哈哈哈。”她表示，当时经历十分糟糕，会被男朋友的前度骚扰攻击，还曾试过与她在街上吵闹。在旁人眼中，这段经历真是十分之青春。

爸妈担心嫁唔出

Dry足三年的她，直言踏入三字头后想拍拖，而且想寻求稳定关系。“去到三字头开始发觉，系唔想谂呢样嘢（呢个唔啱就揾下一个），而系想揾结婚对象，呢个位就要好小心。同埋我爸阿妈都成日问我几时有男朋友，细细个唔畀我拍拖，哈哈，大个就开始惊。冇乜人知我内在性格系点，所以我都想俾个男仔保护吓。”