Dear Jane的廿年情谊：由日日band房围埋打机到不敢约食饭

Dear Jane5月第三度踏上红馆舞台举行演唱会，演唱会命名“Dearest”，既呼应了2019年首踏红馆的“Yours Sincerely ”，亦当作是成军20年的一个check point。“我哋一向都系有几多人想听，就系咩场开，喺呢个场开第三次，都一样咁兴奋，以往我哋会特登度啲嘢去玩，有啲歌平时少唱，今次可以唱埋。”仍记得Dear Jane 2021年以四面台形式《Dear Jane Pendulum Tour 2021》 ，歌完唱人仍未返到原位，甚至走错位的搞笑场面，所以今次决定三面台，加插弦乐手、敲击乐、歌曲从新编曲，令音乐感更重，而互换乐器一部分亦会保留，但正研究如何玩得更尽。

Dear Jane早年曾有过零收入的辛酸日子，如今不用挨穷，但观塘band房仍在。“比起以前系少咗返去，大家成长咗，有各自生活，以前无钱会返去打机，而家系无时间返去，除咗录音或有咩歌要夹，少咗练歌时间。”Howie指虽然少了返band房，但Tim、Nice、Jackel确确实实占据了自己人生的一半时间，差不多隔日就见面，化妆整头随时随地都能吹水，所以已不会“得闲约出嚟吹水”，甚至“day off约出嚟先怪，呢个年纪咗约出嚟先会惊。”已婚Jackal暗暗补充“男人啲时间唔系自己啲时间，呢个系无得选择”即时被笑十分唏嘘，再被爆早前突然约打边炉，引得大家猜测是否有大事发生。“平时一讲食，大家都会到，而家真系⋯⋯”

成军以来绝无仅有的风波，Tim说是2010年Adam离队。“当时直头系话队band唔玩，唔玩唔玩又继续做，之后Nice加入，𠮶时系兜口兜面系咁闹，之后大家就真系无再讲过嘢。𠮶时仲接落好多show，有一段时间不停揾朋友帮手，有人得闲就嚟顶一顶，Nice系其中一个，佢帮我哋打鼓之后系顺啲，觉得唔再揾其他人。”