冼靖峰对狗仔唱歌遭骚扰：佢竟然调返转个头咬我细佬

TVB日前（8日）举行慈善节目《博爱欢乐传万家》，“宝藏歌手”冼靖峰联同涂毓麟（Oscar）及张驰豪（Aska）一同合唱《狮子山下》，三位实力唱将合体后的确令大家都听出耳油。

冼靖峰接受《香港01》访问时被问到早前在社交平台分享了“畀狗咬下体”的片段，立即引起粉丝的担心。冼靖峰即表示没受伤，他那天其实是到朋友家玩兼拍片，当时他正对著狗仔唱歌：“对住佢唱歌嘅时候，佢都唔好理我，我谂住捉住佢，佢竟然有一下就调返转个头咬我细佬！咁跟住咬下‘哗’，我feel到有唔对路即刻缩一缩，但系冇事。”

冼靖峰指其实狗仔并没有敌意，而且他朋友指狗仔平常都是“见嘢就咬”，至于被问到是否因为被狗仔见到不应该见的东西而被咬时，他则表示狗仔其实是“见到乜嘢都咬”，更大赞狗仔可爱。冼靖峰笑指当日唱歌唱到歌词“无谓骚扰你近来动向”的骚扰一字时：“佢就系骚咗扰我一下！”

冼靖峰坦言自己本来有一点点怕狗仔，但跟牠玩了一段时间后就开始熟了，所以就没那么害怕：“咁就揽住佢黎玩，细狗黎嘅，咁我自己都系觉得细狗系会冇咁惊，真系会好少少嘅。”但大狗的话他表示还需要一段时间去接受。

冼靖峰之前曾提到想开演唱会，他即表示“想啊”，但还是要等公司安排：“希望尽快啰，因为solo又好，夹啲朋友又好，咁都想快啲开演唱会，因为开演唱会可以唱到多啲歌，咁就有多啲自己想表达嘅concept去做到。（储到够歌未？）未啦！希望今年再出多啲歌先！”

至于被问到有没有一首歌是必唱时，冼靖峰二话不说选《勇气》：“因为呢一首写咗好多我自己由未出道去到出咗道，再去到其实去到今时今日呢一刻都系，心态都系，都喺《勇气》呢首歌嘅歌词写咗出嚟。”