夺命提示｜文伟鸿大爆郭柏妍“攻击力”最强 连呢个人都被KO
TVB新剧《夺命提示》将于3月17日隆重播出，昨日（9日）剧中一班演员盛装出席宣传活动，男女主角更走红地毡进场，隆重程度可以媲美台庆。刘佩玥、刘颖旋及郭柏妍以晚装现身大骚长腿，郭柏妍更以大露背现身，超级吸睛。现场播出多段宣传片时，有不少的性感场面，看到在场的观众“哗哗声”。3位女主角拿著枪摆出最吸引人的pose来与陈山聪、张振朗及林子善合照，当然少不了监制文伟鸿，他拍完照后都表示“自肥成功”。
陈山聪、张振朗、林子善及监制文伟鸿活动后接受《香港01》访问，文伟鸿表示剧集虽然等了两年才播，但现在就是一个刚刚好的timing：“个题材的而且确系超前咗呢个世代，咁而家呢反而系一个啱啱好嘅timing。”
张振朗被问到今是否第一次有这么多打戏，他表示今次是第一次如此密集及要求高，他忆述当时发生的事：“我记得我同山聪有一场戏打咗真系差唔多有30个take。我哋喺后巷度，真系争0.1秒就系争0.1秒，我觉得系同我以往拍嘅会有啲唔同。”张振朗更指今次是他第一次开真枪，文伟鸿为他及刘颖旋准备了百多发子弹，寄望拍到一段唯美镜头。文伟鸿还笑指把子弹的单交给张振朗，又指他不怕收到帐单，因为他现在show钱很丰厚：“咁𠮶张单你放心我一定会寄返畀你，喺show钱度扣。”
文伟鸿被问到今次剧集与之前的打戏份量时，他则指是差唔多，但今次除打戏外，还加入了一些不同：“其实我哋加入咗一个悬疑性喺度，因为我哋嘅戏关乎于一个手机助理，而家AI嘅面世，究竟AI佢点解会突然间自发提供咗一啲破案讯息畀我哋咁多位警员去查案呢？当中其实仲有好多谜团系好有追看性嘅。”
陈山聪及林子善早就已经有拍文伟鸿剧集的经验，已经习惯打戏连连，被问到隔了一段时间再拍会否不习惯，陈山聪就指不会，因为近几年都是拍文伟鸿的剧集为主：“我哋一埋位已经𠮶个身体嘅制式，佢里面嘅记忆体已经喺返晒度！”
林子善表示不用开剧时会勤力健身，其实是有原因的：“其实系prepare定大佬随时开剧，即系我哋系𠮶啲随时侯命。同埋佢嘅剧通常都系打斗、开枪𠮶啲，咁个body随时都要ready，两个礼拜后除衫得唔得啊？所以我哋系几时都要keep好个身形同埋𠮶个作战状态。”
陈山聪透露张振朗在剧中有除衫的镜头，张振朗笑得十分尴尬：“我𠮶个show body呢个最重要唔系喺个body度，系喺part舞度。”被问到是什么场合有除衫这一行为时，张振朗自爆在家中发生，但文伟鸿再爆“剧中嘅女朋友屋企去发生嘅呢件事冇错”，令人充满暇想。另一个有除衫的镜头的人就是林子善，但他却表示自己除得有点奇怪。
文伟鸿被问到今次加入了郭柏妍成为了“J女郎”，对她有什么评价时，他马上哗一声：“佢嘅攻击力，我话畀你听，肯定系高过Tiffany同阿moon！佢嘅攻击力呢系大家想像唔到嘅，迟啲就会有一条宣传片将会出现！”文伟鸿透露郭柏妍的攻击力强到连张振朗都沦陷。
第一次拍重份量打戏的张振朗，第一场就已经打伤头，他被问到女朋友有否担心时，他回答得令人有不少的联想：“我好记得𠮶阵时伤嘅时候，我系冇同我屋企人讲嘅，即系我伤咗嘅时候，我唔希望佢哋会第一时间好担心啊，点算啊咁，我系冇同佢哋讲嘅。”原来女朋友已经是家人之一，其实他早前接受访问时已坦言视女友为结婚对象。