宠女狂魔观看6岁女儿上台表演落泪　老婆取笑又喊：要喊几多年？

歌手陈柏宇是圈中出晒名的“宠女狂魔”，经常分享与两个女儿陈羿辰（Abigail）与陈星晴（Audrey），而且他本身亦非常感性，常常为家人流泪。上月前细女Audrey跌穿头要缝7针，Audrey喊到七彩，而陈柏宇亦因心痛女儿而爆喊，送她入院时已喊到猪头，当女儿送院后，他要在诊症室外等待，女儿因要跟陈柏宇分开而狂哭，陈柏宇又因担心女儿，在外面落泪。

幸好Audrey已无大碍，不过日前陈柏宇居然又再一次为女儿落泪，她被太太符晓薇大爆料，她贴出陈柏宇睇大女表演时眼湿湿的片段，说：“我老公系一个非常感性之人，大家都知，今日个囡学校表演，一去到已经开始大大力挥手，又想尝试大叫，俾我极力阻止，佢话要个女知道佢喺度。然后个女知道佢喺度嘅时候，佢同我讲佢要喊啦！我心谂陈生你又喊啲乜嘢啊？每次个女上台表演你真系咁感动，你要喊几多年啊？”

网民都觉得陈柏宇好可爱亦的确好感性，重提他之前因为老婆第一次帮他吹头而哭泣，又指他日后应该有排喊，网民留言：“将来个女结婚 应该要挂卷厕纸系（喺）身”、“Audrey系隔离（篱）心谂 我都唔猪爸爸有咩好喊？？？”、“佢自己上台攞奖都无甘（咁）感动😂”、“第日啲女结婚 喊足三日三夜🤣”、“佢个两个女系佢人生骄傲，你都咪话唔感动。”不过同为人父的吴浩康就非常理解陈柏宇的心情，他说：“长喊长有，唱歌嘅人系感性啲，我送个仔返学都喊，你老公算正常㗎啦！”