林熙彤大学毕业在即愿密密工作吸取经验 期待探索演艺之路

网络女神林熙彤（Hazel）出道3年，一直兼顾学业与工作，今年，她即将结束学生生涯，大学毕业了！Hazel将全身投入演艺圈，却正遇到娱乐市道不景气，Hazel笑言作出决定也是胆博胆：“其实将近毕业，心里面一直都喺度谂紧自己嘅将来，系好矛盾嘅，一边会谂虽然自己钟意演戏，但另一边就会考虑到如果全身投入，唔稳定嘅收入可唔可以照顾到自己？不过我都会想继续试多啲唔同嘅幕前嘅工作，累积工作经验，挑战下自己。期望揾多啲钱，跟住可以出国进修设计，放眼世界。同时我都会继续我嘅另一个目标，就系希望可以尽快推出我嘅摄影集，呢几年发现自己爱上摄影。”

最近Hazel便密密接工作，日前获邀接拍京都念慈庵养生配茶全新广告，拍摄当日要坐在一个很高的大盒子上，如旋转木马地转动，期间又要扮成十分劳累的样子拍摄，Hazel笑说：“其实我唔系扮攰，系真系攰，平时又要返学又要做嘢，个人好湿好攰，中医话我湿气重，呢个真系平时嘅我嚟，拍嘅时候差啲攰到瞓着，之后就饮咗佢哋嘅茶，感觉真系好神奇。”Hazel年纪轻轻便懂养生，“今年跑完渣马真系爱上咗跑歩，嚟紧我会加倍努力做运动，个人出一身汗，加上适当休息，感觉好refresh、好开心。”