伍富桥拍新MV由爱妻掌镜　直言好听话：我只系一个花瓶

伍富桥与太太梁兆楹（Shirley）于2022年结婚后，感情一直十分好，男方专注于事业发展，太太就做他背后最强大的后盾。日前（2/3）伍富桥出席TVB x 少年警讯篮球赛活动，他接受《香港01》访问时就表示最近正在筹备新MV。

伍富桥说：“前排去完旅行返嚟，不过就唔系净系旅行。途中都拍咗好多好多嘢，有啲系用嚟做生活VLog，抖音、小红书等，另外我同我太太都尝试拍一啲片，用嚟摆喺我一只cover歌嘅MV入面。”他透露，今次拣了一首韩剧主题曲：“我揾朋友翻译中文，再翻唱。”令人期待。

他续说：“自己拍同做埋导演都系一个新尝试。（谁人拍摄技巧更好？）其实佢叻啲，你都知佢以前都系幕后，做过PA亦都做过写稿，所以佢都师承过好多大师，跟过好多导演同埋摄影师。（你负责幕前佢负责幕后？）系呀，我只系一个花瓶，一个唔系好靓嘅花瓶，佢负责用脑，叫我做咩我就做咩。”

大部份香港男人帮另一半影相，总会试过被弹影得太差。伍富桥也分享了一些生活趣事，笑说：“都有试过㗎，佢咪直接讲啰。之前喺马尔代夫都试过。佢话：‘做咩呀你，你唔好影啦。’不过都系讲笑啫。”