Lolly Talk帮假人做人工呼吸Fans肉紧 Mei Mei被爆穿5cm鞋增高

Lolly Talk今日以星级大使身份到观塘apm出席“第三届红十字会定向挑战”启动礼，活动上，她们大赞香港红十字会在港75周年的付出：“知道好多风灾、水灾现场，都有佢哋嘅身影，真系好犀利。”LT又分成“Mui组”及“Yo组”进行抢答游戏，期间，阿Yo（郭晓妍）及Mei Mei（曾美欣）要即场示范CPR心肺复苏法，两人齐齐对假人的心口按压，阿Yo更“扮”为假人做人工呼吸，全场波板糖即肉紧大叫。她们又专业地逐个步骤讲解，问到按压胸口的深度时，LT众人齐齐笑谓：“好似平日Mei Mei着𠮶对高踭鞋咁高，哈哈，知唔知几多呀？无错啦，系5cm！”最后又教大家以“腹式呼吸”轻松减压。

LT于活动后受访，Mei Mei鬼马地向其他成员“撒娇”说：“畀大家知道我平时着几高嘅高踭鞋啦，哈哈哈。不过，都好多谢香港红十字会邀请我哋今日出席呢个活动，知道大会已经喺香港75年，为香港市民做咗好多嘢。”提到她们将首次全团参与城市定向，问到谁最容易迷路，众人即齐齐指着Sinnie，她随即尴尬笑：“咩呀？我系‘人肉GPS’嚟㗎，我识分东南西北㗎，但系分唔到左右之嘛。试过有次𠮶个工作地点唔方便停车，我就叫司机喺附近停，点知行过去原来要30分钟。”

LT表示继上次打泰拳比赛后，再齐齐做运动：“我哋有个LT PE堂做HIIT，明明教练话好轻松，点知上次做完，我哋对脚震到三日都行唔到。”提到方大同离世的消息，她们表示：“听到呢个消息𠮶阵，仲以为系讲笑，真系唔敢相信。好多谢佢为香港乐坛付出嘅努力，佢嘅音乐绝对启发咗好多人，包括好多我哋呢代嘅歌手。”