80年代女星刘雅丽自揭美国办离婚　跟儿子分开住罕谈独居生活

80年代活跃于影视圈的前无线（TVB）艺人刘雅丽，日前接受刘雅丽（Alice）的YouTube频道“我和刘雅丽有个约会Alice Lau”节目访问，二人的中英文名完全一样，十分有缘。刘雅丽是1977年的无线艺训班出身，曾在电视剧《苏乞儿》饰演刘德华的女朋友邝慕男，1983年与日前在家中身亡的奥斯卡金像影帝真赫曼（Gene Hackman）合作拍摄战争片《八蛟龙》（Uncommon Valor），成为首位以女主角身份参演荷里活电影的香港女明星。

今年“奔七”的刘雅丽样貌与当年分别不大，脸上未见有太多岁月痕迹，只是戴了一副老花眼镜，说话率直爽朗。她透露1989年拍摆电影《庙街皇后》后离开香港，她说：“我唔记得自己以前拍过乜嘢剧集，只系记得最后一套演出嘅剧集系《蜀山》，之前拍《成吉思汗》嘅时候仲大咗肚，𠮶阵自己都唔知，仲去拍碌落山、骑马嘅戏。直到拍完去咗澳大利亚旅行，有朋友话我肥咗，肯定系大咗肚，跟住验孕真系有咗，不过我都系玩咗一个月返嚟先睇医生。”

刘雅丽嫁鸡随鸡，之后跟美藉丈夫到美国洛杉矶生活，25年来一直做内地进口批发生意，会经常往返香港，至约十年前经济开始衰退，儿子亦大学毕业，她便决定退休，同时与老公离婚，她解释：“如果我大把钱就慢慢去玩，唔系就不如储住啲钱慢慢享受好过嘞。”最后决定在60岁生日当天离婚，她续说：“点解离婚呢？原来英文同中文系拍唔埋，但系我应承咗个仔唔离婚，喺个仔10岁嘅时候，我已经同佢讲话妈咪好辛苦，想离婚，佢就话离婚间公司咪会闩啰？所以到我59岁，间公司闩咗又卖咗，跟住咪搞离婚，到我60岁生日啱啱搞掂，我仲多谢律师送咗份生日礼物畀我。”

刘雅丽透露与前夫在Disco认识，在朋友生日会上透过经理介绍认识，但由于前夫曾结婚，所以即使是天主教徒亦不能在教堂行礼，只可以在婚姻注册处签纸。她形容前夫是“大仔”，指对方并不是一个坏人，只是一个不明白及不懂体谅的人，她说：“鬼佬嘛，鬼佬系唔钟意做嘢，一直我都系好平静咁搞间公司，我觉得唔会做死人，只有系激死人，我对我老公一啲嬲都冇，嬲人只会系自己唔开心，但系如果我选择原谅，因为中间隔住一个仔，万一有乜事，最后只会伤害个仔。人生只不过系一个过程，个天安排呢个老公畀我，系有一个原因，到而家我都明白，点解会畀呢个老公我， 因为我而家另一个工作系帮人，主要系帮老人家，另一个系睇唔过眼嘅嘢就会帮，我而家帮紧一间公司，佢哋一年蚀咗100万，所以咪帮佢哋，慢慢发觉以前有好多经验令我学到嘢，而家我好知足同感恩。”

回复单身的刘雅丽现一个人定居拉斯维加斯，每日起身做运动，闲时种菜、约朋友及周游列国，一点也不寂寞：“我识咗好多朋友，同隔离嘅感情都好好，有一家仲系我以前男朋友嘅细妹，我哋系好朋友。”

刘雅丽在节目上还分享很多家庭照片，30几岁、身高逾6呎的儿子本身是混血儿，现居住在洛杉矶，但能操得一口流利的广东话：“我系坚持全中文，同佢倾电话你系唔知佢系鬼仔，佢同我倾偈就会认真讲中文，我觉得呢啲嘢将来系用得到，所以一直培育佢。”刘雅丽还说儿子仍未结婚，正职是一位舞台剧演员，但由于不能赚太多钱，曾修读舞台剧及舞台设计的囝囝，亦有为演员设计衫及道具，去年全职教书。